ქართველი მხატვრები მანჰეტენზე გამოფენისთვის ემზადებიან

23-28 მაისს მანჰეტენზე ქართველი მხატვრების კიდევ ერთი გრანდიოზული გამოფენა გაიმართება. გამოფენის ორგანიზატორი ტრადიციულად არტფრომოუშენ კომპანია Madatart -ია. ამერიკული არტფრომოუშენ კომპანია
Madatart ქართველი მხატვრებისა და მოქანდაკეებისთვის კარგად არის ცნობილი.

2016 წლიდან დღემდე კომპანიამ ნიუ იორკსა და მაიმიში 200-ზე მეტი ქართველი ხელოვანის ნამუშევარი გამოფინა. გამოფენისთვის მონაწილეების ნაწილი უკვე შერჩეულია. ამჯერად გამოფენას ჩელსიში მდებარე Landmark Arts Building-ი უმასპინძლებს, სადაც ოცამდე პოპულარული გალერეა და სახელოვნებო
ორგანიზაციია განთავსებული.

ეს ისტორიული შენობა ჩელსის საგალერეო რაიონშია და დილერებმა და კოლექციონერებმა კარგად იციან, რომ ყოველ ხუთშაბათს იქ აუცილებლად უნდა შეიარონ და მათთვის საინტერესო ახალი არტისტი აღმოაჩინონ. "მედეთარტის" კურატორმა, მარიტა დამენიამ აქ უკვე ათეულობით გამოფენა გამართა და ყველა მათგანი საინტერესო და წარმატებული იყო.

გამოფენაში მონაწილეების ნაწილის სია უკვე ცნობილია, თუმცა მსურველებს კიდევ აქვთ შანსი პორტფოლიოები გააგზავნონ.

გამოფენის და ზოგადად მომავალი გეგმების შესახებ კომპანიის დამფუძნებელს
მარიტა დამენიას ვესაუბრეთ;

„ჩვენი კომპანია ამერიკის სახელოვნებო ბაზარზე უკვე დიდი ხანია მოქმედებს. 2020 წლის ჩათვლით 30 გამოფენა გავმართეთ და თითოეულ პროექტს დიდი წარმატება ხვდა წილად.

ჩემთვის განსაკუთრებით სასიხარულოა ქართველ ხელოვანებთან თანამშრომლობა, რომელთათვისაც ამერიკა დიდი შესაძლებლობების ქვეყანაა. ბევრმა ჩვენმა მხატვარმა მიაღწია წარმატებას, გავყიდეთ ნამუშევრები. საერთოდ ჩვენი მიზანი მხატვრის ბრენდინგზე მუშაობაა. მანჰეტენის ცნობილ გალერეებში გამოფენით მათ სერიოზულ ბიოგრაფიას ვუქმნით, რაც ხელოვანის წარმატებისთვის ერთ-ერთი წინა პირობაა.

რაც შეეხება მომდევნო გამოფენას, კონკურსი ჯერ კიდევ მიმდინარეობს, რამდენიმე მონაწილე შერჩეულია და იმედი მაქვს, რომ საუკეთესო ჯგუფს შევკრავთ, ამაში დარწმუნებული ვარ. გარდა ამისა დაგეგმილი გვაქვს
რამდენიმე სოლო გამოფენა და არტფეარიც, თუმცა დეტალებს ეტაპობრივად გაგაცნობთ“, - ამბობს "პრაიმტაიმთან" მარიტა.

ინფორმაციისთვის შეგიძლიათ ეწვიოთ კომპანიის ვებგვერდს www.madatart.com  ან პორტფოლიო პირდაპირ გააგზავნოთ შემდეგ მისამართზე - dameniaart@gmail.com