„ეს არის უდიდესი მოვლენა ჩემს ცხოვრებასა და კარიერაში“ - თემურ წიკლაურის შვილიშვილის მუსიკა კოსმოსში გაიგზავნა

კოსმოსში თემურ წიკლაურის შვილიშვილის, ანდრო გოგიბედაშვილის ნამუშევარი „Cosmic Lake Transparency“ გაიგზავნა. მუსიკოსი თავის ემოციებს სოციალურ ქსელში გვიზიარებს.

„4 ოქტომბერს, თბილისის დროით 12 საათზე ჩემი მუსიკის 'Cosmic Lake Transparency'-ის 15 წამი რადიო სიგნალით საბოლოოდ გაიგზავნა კოსმოსში პლანეტა K2-18B- ზე.

ტრანსმისია მოხდა ინგლისიდან, Goonhilly Earth Stationიდან. ეს არის უდიდესი მოვლენა ჩემს ცხოვრებასა და კარიერაში და უზომოდ მადლიერი ვარ stihiafestivalის რომ მომცა ეს შესაძლებლობა.

იმედია სადმე ვინმე დაიჭერს ამ სიგნალებს და მოუსმენს. დიდი მადლობა თითოეულ თქვენგანს ამ პერიოდში გამოხატული სითბოსა, სიყვარულისა და კეთილი სურვილებისთვის“,- წერს მუსიკოსის ანდრო გოგიბედაშვილი.

ანდრო გოგიბედაშვილმა რამდენიმე ხნის წინ, რუსთავი2-ის ეთერში თქვა, რომ სიგნალი იმ პლანეტაზე 2146 წლის 11 ოქტომბერს ჩავა.

„აქ ხომ კარგი ხნის გარდაცვლილი ვიქნები და ვამბობ, რომ იმ პლანეტაზე გავჩნდები, იქ დავხვდები და მივიღებ მაგ სიგნალს, “- ამბობს ანდრო გოგიბედაშვილი.