„ჩვენ უკვე დიდი სამეული გვყავს, დემნა მოდაში, კვარაცხელია მოედანზე და ნინო სიტყვით ამკვიდრებენ საქართველოს, როგორც უწყვეტი კულტურის ტრადიციის მქონე ქვეყანას“

ქართველი მწერლის ნინო ხარატიშვილის რომან „მერვე სიცოცხლის“ მიხედვით სატელევიზიო სერიალს გადაიღებენ. ხარატიშვილის წიგნის სატელევიზიო ვერსიაზე „ოსკარისა“ და „ემის“ მფლობელი პროდიუსერები იმუშავებენ. ინფორმაციას ქართველების მხრიდან დიდი გამოხმაურება მოჰყვა.

„სუსურუკუს დროს, არცერთი ჩვენი უდიდესი მწერალი, რეჟისორი, მხატვარი მსოფლიოსთვის რუსეთს არ შეუთავაზებია იმ დოზით და იმ ფორმით, რომ მიწას დავმჩნეოდით. დოსტოევსკი თავში იყო, ვაჟა ჩვენს გულებში, ტოლსტოი ყველას გააცნეს, ჯავახიშვილი დახვრიტეს. ხვდებით ხომ, მსოფლიო მოქალაქეობის სიკეთეს. ჩვენ უკვე დიდი სამეული გვყავს, დემნა მოდაში, კვარაცხელია მოედანზე და ნინო სიტყვით ამკვიდრებენ საქართველოს, როგორც დიდი და ცოცხალი, განა მხოლოდ ძველი, არამედ უწყვეტი კულტურის ტრადიციის მქონე ქვეყანას.

ჰოლივუდი იღებს სერიალს მერვე სიცოცხლის მიხედვით. ჩავუჯდებით სულ მალე. მგონი ისევ ვიყიდი გაჩუქებულ ტელევიზორს. ავე ნინო“ – წერს ნათია ფანჯიკიძე.

ასევე ნახეთ:

⇒ VIDEO: წარმოუდგენელი თავგანწირვის კადრები - ბიჭი დახრჩობას გამვლელებმა ცოცხალი ჯაჭვით გადაარჩინეს

⇒ ამ დარღვევის გამო, პირს 500 და 1000-ლარიანი ჯარიმა დაეკისრება - დეტალები

⇒ რა ლოცვა უნდა წაიკითხოთ პეტრე-პავლობის დღესასწაულზე - მას უდიდესი ძალა აქვს

⇒ VIDEO: „დააკვირდით კარგად! ე, მაგან გადაგვარჩინა ქართველები“ - ეს ვიდეო ინტერნეტს იპყრობს