პრაიმ თაიმი
1732386875
აფეთქება ახალქალაქში - ქალს კართან, საჩუქრებთან ერთად, ასაფეთქებელი მოწყობილობა დაუდეს
მორიგი სავარაუდო ფემიციდის მცდელობა ახალქალაქში - ძლიერი აფეთქების ხმა ე.წ. სამხედრო დასახლებაში გვიან ღამით გაისმა. მიზეზი წინასწარ განზრახული მკვლელობა იყო.
სავარაუდოდ, ხელნაკეთი ასაფეთქებელი მოწყობილობა ადრესატს, სახლის კართან, საჩუქრებთან ერთად დაუდეს. ქალმა საჩუქარი სახლში შეიტანა და გახსნის შემდეგ მიხვდა, რომ იქ ასაფეთქებელი იდო. ამიტომ, ოთახიდან გაიქცა. ქალი სიკვდილს გადაურჩა, თუმცა მცირედი დაზიანებები მაინც მიიღო.
აფეთქებამ ოთახის დიდი ნაწილი გაანადგურა, ჩამსხვრეულია მინები და მთლიანად დაზიანებულია შიდა პერიმეტრი. საქმე მომხდარიდან მალევე გაიხსნა. პოლიციამ ახალგაზრდა მამაკაცი დააკავა.
ინფორმაციას ავრცელებს RUSTAVI 2.
სხვა სიახლეები
