WHO: მომდევნო ორი თვის განმავლობაში, ევროპის რეგიონის მოსახლეობის 50%-ზე მეტი კორონავირუსის „ომიკრონი“ ვარიანტით დაინფიცირდება

მომდევნო ორი თვის განმავლობაში, ევროპის რეგიონის მოსახლეობის 50%-ზე მეტი კორონავირუსის „ომიკრონი“ ვარიანტით დაინფიცირდება,- ამის შესახებ ჯანდაცვის მსოფლიო ორგანიზაციის ევროპის  ოფისის რეგიონულმა დირექტორმა, ჰანს კლუგემ განაცხადა.

ინფორმაციას bfmtv-ი ავრცელებს.

„ომიკრონი“ ვარიანტის გავრცელების ტემპის გათვალისწინებით, ჯანმრთელობის მეტრიკისა და შეფასების ინსტიტუტი (IHME) პროგნოზირებს, რომ რეგიონის მოსახლეობის 50%-ზე მეტი „ომიკრონი“ შტამით მომდევნო ექვსიდან რვა კვირის განმავლობაში დაინფიცირდება“, - განაცხადა ჰანს კლუგემ.

ჰანს კლუგეს თქმით, აღნიშნულ ვარიანტს ისეთი მუტაციები აქვს, რომელიც მას საშუალებას აძლევს, უფრო ადვილად შეეკრას უჯრედებს და ის ადამიანებიც კი დააინფიციროს, რომლებიც ადრე იყვნენ ინფიცირებულნი ან ვაქცინირებულნი.