საქართველოში კიბოს მაჩვენებელი 2030 წლამდე 6%-ით მოიმატებს - საერთაშორისო პროგნოზი

საქართველოში ავთვისებიანი სიმსივნეების შესახებ ბოლო სტატისტიკური მონაცემები 2020 წლის მდგომარეობას ასახავს და ის ხელმისწავდომია დაავადებათა კონტროლის ეროვნული ცენტრის ვებგვერდზე.

გამოქვეყნებულ კვლევაში მოყვანილია საერთაშორისო ექსპერტების პროგნოზი, რომლის მიხედვითაც „2018-2030 წლების პერიოდში საქართველოში კიბოს ახალი შემთხვევების რაოდენობა 6%-ით მოიმატებს (ქალებში 5%-ით, კაცებში 7%-ით). ამავე პერიოდში ევროპისთვის პროგნოზირებულია ახალი შემთხვევების 14%-ით მატება (ქალებში 10%-ით, კაცებში 18%-ით). 

აშშ-ს კიბოს ნაციონალური ინსტიტუტის შეფასებით, საქართველოში კიბოს ახალი შემთხვევების 51% საჭიროებს ქირურგიულ მკურნალობას, 72% ქიმიოთერაპიას, ხოლო 57% რადიოთერაპიას.

სტატისტიკის თანახმად, 2020 წელს კიბოს დიაგნოზით ჰარდაიცვალა 8024 ადამიანი, მათ შორის უმეტესი წილი ტრაქეას, ბრონქის, ფილტვის კიბოზე (15%) და სარძევე ჯირკვლის კობოზე (10%) მოდის. 

2020 წელს რეგისტრირებულია ყველა ლოკალიზაციის კიბოს 9435 ახალი შემთხვევა, ინციდენტობის მაჩვენებელი: 100 000 მოსახლეზე - 235.5.