„პანდემია არ დამთავრდა... კოვიდი დამარცხებული არ არის... ახალი აფეთქება ივნის/ივლისში იქნება საქართველოში“ - ფხაკაძე

„საქართველოში ყველა მე მელოდება, რას იტყოდით ამაზე?! კაი, გავიგეთ, სულ მე მელოდებიან, მაგრამ ოფიციალურად რატომ არ აპროტესტებენ არასწორ გადაწყვეტილებებს იმ საბჭოში?! ან, თუ ამბობენ სათქმელს და არ უჯერებენ, ადგილებზე რატომ რჩებიან?! აბსურდის თეატრია ეს...“,- ამის შესახებ სოციალურ ქსელში ჯანდაცვის დამოუკიდებელი ექსპერტი, გიორგი ფხაკაძე წერს.

„მწარე სიმართლე კი ასეთია დღეს 12/04/2022: კოვიდ პანდემია არ დამთავრდა.

კოვიდი დამარცხებული არ არის.

კოვიდის ახალი აფეთქება ივნის/ივლისში იქნება საქართველოში.

ვაქცინაციის შეჩერება კი არა, პირიქით, ფაიზერის ან მოდერნას ვაქცინის მე-4 დოზაზე უნდა გადავიდეთ, განსაკუთრებით ქრონიკული პაციენტების და 50-60 წელს გადაცილებულების შემთხვევაში.

ფაქტია: საქართველოს ჯანდაცვა არის არაპროფესიონალიზმის, არაკომპეტენტურობის და კორუფციის სახე!

ჯანმრთელობას გისურვებთ…“-წერს გიორგი ფხაკაძე.