ეს არის ინფექცია, რომელიც ბავშვთა ასაკს აზარალებს... - ზახაშვილის რეკომენდაცია მშობლებს

დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელის, ხათუნა ზახაშვილის ინფორმაციით, ქვეყანაში წითელას ერთეული შემთხვევაა რეგისტრირებული.

მისივე ინფორმაციით, დღითიდღე მატულობს წითელა-წითურა-ყბაყურას ვაქცინაციით მოცვა.

„ქვეყანაში მხოლოდ ერთეული სახით არის რეგისტრირებული წითელას შემთხვევა, ამასთან, დღითიდღე მატულობს წითელა-წითურა-ყბაყურის ვაქცინაციით მოცვა. იმედი მაქვს, რომ ზაფხულის განმავლობაში, ყველა ის ბავშვი, ვინც სასკოლოდ ემზადება, მიიღებს ამ ვაქცინას და სასწავლო წლის დაწყებისას დაცული იქნება.

რაც შეეხება ჩუტყვავილას, ჩუტყვავილა ციკლურად მიმდინარეობს, რამდენიმე წელიწადში ერთხელ აღენიშნება მისი პერიოდული მატება, შემდეგ ისევ კლება. ეს არის ინფექცია, რომელიც ბავშვთა ასაკს აზარალებს, ბავშვები ხდებიან ავად, მოზრდილთა ასაკში იშვიათია. დაავადება, როგორც წესი არ ითვლება მძიმე დაავადებად და სრული გამოჯანმრთელებით სრულდება. როდესაც ადამიანს ჩუტყვავილა აქვს, რეკომენდაციაა, რომ იზოლირებულად იმყოფებოდეს",- აღნიშნავს ზახაშვილი.

ასევე დაგაინტერესებთ:

👉 „მეუღლემ სექსის დროს, მოწმედ თავზე ოჯახის წევრები დამაყენა...“ - რას იხსენებს მზია გეწაძე

👉 „ცოცხალი რომ იყოს, მივიდოდი და ამას ვეტყოდი... – ნუცა კუხიანიძე ლევანის უკანასკნელ შეხვედრასა და მისი დაღუპვით მიღებულ პირველ შოკზე