გიორგი ფხაკაძე

„ჩემი ვისაც არ გჯერათ, კაკულიასი მაინც დაიჯერეთ“- ნახეთ რა ურჩია კაკულიამ მოსახლეობას, რამაც ფხაკაძის მოწონება დაიმსახურა

ჯანდაცვის დამოუკიდებელი ექსპერტი, გიორგი ფხაკაძე სოციალურ ქსელში პოსტს აქვეყნებს და წერს, რომ ვისაც მისი არ სჯერა, ლელა კაკულიას მაინც დაუჯერონ.

„ჩემი ვისაც არ გჯერათ, კაკულიას მაინც დაუჯერეთ …  დარწმუნებული ვარ ცაგარელიც მალე იგივეს იტყვის “გაიკეთეთ ამერიკული ვაქცინა”...ფრთხილად იყავით, გაუფრთხილდით საკუთარ თავს… 
ჯანმრთელობას გისურვებთ“, - დაწერა გიორგი ფხაკაძემ.

ლელა კაკულია, მოსახლეობას ურჩევს გერმანულ-ამერიკული ვაქცინა გაიკეთონ.

„ეს ვაქიცინები კოსმოსიდანაა დაშვებული. წარმოუდგენელია მან არ გვიშველოს. ეს პერიოდი მალე გაივლის, ნუ შეგეშინდებათ“,- თქვა ლელა კაკულიამ.

ვიდეოები

1642585090

მდინარე იორდანესთან, მაცხოვრის ნათლობის ა...

მდინარე იორდანესთან, მაცხოვრის ნათლობის ადგილის მიმდებარედ საქართველოს მიწის ფართობი გადაეცა, სადაც ქართული კულტურის ცენტრი აშენდება, – ამის შესახებ საქართველოს პრემიერ-მინისტრმა, ირაკლი ღარიბაშვილმა სამების საკათედრო ტაძარში განაცხადა. „თქვენს უწმინდესობას, წმინდა სინოდის წევრებს, მოსახლეობას, ყველას გილოცავთ ნათლისღებას. ჩემთვის დიდი პატივია, დღეს ჩვენს მოსახლეობას ვაცნობო ფრიად სასიხარულო ამბავი. შეიძლება ითქვას, რომ დღეს ჩვენ ისტორიული მოვლენის მონაწილენი ვართ. მისი უდიდებულესობის, იორდანიის მეფის, აბდულა მეორისა და მისი უმაღლესობის, პრინც ღაზის მიერ მიღებული გადაწყვეტილებით, საქართველოს გადაეცა მიწა მდინარე იორდანესთან, მაცხოვრის ნათლობის ადგილის მიმდებარედ. პატრიარქის კურთხევით, აქ აშენდება ქართული კულტურის ცენტრი. 300 წლის შემდეგ საქართველო ბრუნდება წმინდა მიწაზე. ყველა ქართველისთვის სასიხარულოა ეს მოვლენა, რომელიც შესაძლებელი გახდა საერო და სასულიერო ხელისუფალთა ერთიანი ძალისხმევის შედეგად. ფასდაუდებელი იყო ჩვენი პატრიარქის, მისი უწმინდესობის ჩართულობა, მისი დიდი საერთაშორისო ავტორიტეტი. ერისა და ბერის ასეთი ერთიანობა, ყოველთვის არის და იქნება ჩვენი ქვეყნის წინსვლის, განვითარების უმთავრესი წინაპირობა. მადლობას ვუხდი მის უდიდებულესობა მეფე აბდულა მეორეს, მის უმაღლესობა პრინც ღაზის, იერუსალიმის პატრიარქ თეოფილუსს, იორდანიის არქიეპისკოპოს ქრისტოფორუსს, ჩვენი მთავრობის, საელჩოს თითოეულ თანამშრომელს, ჩვენს ელჩს იორდანიაში ზაზა კანდელაკს, ყველას, ვინც ძალისხმევა არ დაიშურა ჩვენს წინაპართა დიდი ტრადიციის გასაგრძელებლად. თითოეულ ქართველ ვულოცავ ამ მნიშვნელოვანი სულიერი და კულტურული ცხოვრების კერის დაარსებას წმინდა მიწაზე. ნათლისღებას გილოცავთ“, – განაცხადა ღარიბაშვილმა.

ილია-მეორე

სოციალური თემა

საზოგადოება

patriarqi

1642587005

პატრიარქი: გილოცავთ ნათლისღების დღესასწაულს, უდიდესი დღესასწულია ქრისტ...

საქართველოს კათოლიკოს-პატრიარქმა, ილია მეორემ სამების საკათედრო ტაძრიდან მოქალაქეებს ნათლისღების დღესასწაული მიულოცა. „ქრისტეს მიერ საყვარელო ძმანო და დანო, გილოცავთ ნათლისღების დღესასწაულს. ნათლისღება ქრისტესი უდიდესი დღესასწულია ქრისტიანულ სამყაროში. იკურთხება წყალი, ნაკურთხი წყალი უნდა იყოს შენარჩუნებული მთელი წლის განმავლობაში. ნათლისღება იმდენად დიდი დღესასწაულია, რომ ყველა ადამიანი უნდა ეზიაროს ამ მადლს. ეს მადლი უნდა მიიღოს ყოველმა ადამიანმა. ნათლისღება არის წმინდა სამების დღესასწაული. ხმა უფლის, მისი მადლი გარდამოდის ხალხზე და ეს მადლი იცავს ყველა ადამიანს ხილული და უხილავი მტრებისგან. ადამიანის წინაშე მრავალი განსაცდელია, მაგრამ უნდა გვახსოვდეს, რომ ღმერთი იცავს ყველას ამ განსაცდელისგან“, – აღნიშნა პატრიარქმა. პატრიარქის თქმით, მოხარულია, რომ სამების საკათედრო ტაძარში წირვას დაესწრო საქართველოს პრემიერ-მინისტრი ირაკლი ღარიბაშვილი. „ჩვენ მოხარული ვართ, რომ წირვას დაესწრო საქართველოს პრემიერ-მინისტრი. მადლობელი ვართ, ბატონო პრემიერ-მინისტრო, მადლი ღვთისა და წყალობა გფარავდეთ თქვენ“, – აღნიშნა პტრიარქმა. სამების საკათედრო ტაძარში საქართველოს პრემიერ-მინისტრმა ირაკლი ღარიბაშვილმა განაცხადა, რომ მდინარე იორდანესთან, მაცხოვრის ნათლობის ადგილის მიმდებარედ საქართველოს მიწის ფართობი გადაეცა, სადაც ქართული კულტურის ცენტრი აშენდება.

სხვა სიახლეები

ლომჯარია

1642590409

სააკაშვილისთვის დაზარალებულის სტატუსის მინიჭების მოთხოვნა სამართლიანია...

“დაზარალებულის სტატუსს რაც შეეხება, ჩვენ კარგად გვესმის ეს მოთხოვნა და ვფიქრობთ, რომ სამართლიანია, თუმცა იმისათვის, რომ ჩვენ გვქონდეს კონკრეტული პოზიცია, საჭიროა საქმის მასალების ნახვა და შესწავლა. როცა ჩვენ გავცემთ რეკომენდაციას ბრალის წარდგენის თუ დაზარალებულის მინიჭების თაობაზე, ჩვენ გვაქვს სრული სურათი გამოძიებაში არსებული მასალების და მტკიცებულებების", - ამის შესახებ სახალხო დამცველმა ნინო ლომჯარიამ მიხეილ სააკაშვილისთვის არაადამიანური მოპყრობის გამო დაზარალებულის სტატუსის მინიჭების მოთხოვნასთან დაკავშირებით განაცხადა. "ამ ეტაპზე ვთვლი, რომ ეს მოთხოვნა არის არგუმენტირებული, თუმცა, იმისათვის, რომ ეს რეკომენდაცია სახალხო დამცველმაც გასცეს, გვჭირდება მეტი ინფორმაცია, ვეცდებით ეს ინფორმაცია მოვიპოვოთ სახელმწიფო ინსპექტორის სამსახურიდან და თუ გვექნება გარკვეულ მტკიცებულებებზე წვდომა, რაც მეტი დამაჯერებლობით მოგვცემს იმის მტკიცების საფუძველს, რომ დაზარალებულის სტატუსის მინიჭების საფუძველი არსებობს, ჩვენ ამას ვიტყვით,” - განაცხადა ლომჯარიამ.

გია ვოლსკი

1642590393

სააკაშვილს ქვეყნისთვის კარგი არ უნდა - გია ვოლსკი

"ციხე კომფორტული ადგილი არ არის, სადაც ადამიანი წყნარად გრძნობს თავს. ათასობით ადამიანმა მიხეილ სააკაშვილის შექმნილ ციხეში წამება და დამცირება გაიარა. ისინი ციხეში ფსიქოლოგიურად ზუსტად ამ მდგომარეობაში იყვნენ, ძალიან მძიმეა, როცა ხარ შეზღუდული, ხარ საკანში და გეკრძალება გარეთ გასვლა. მაგრამ ადამიანებს დანაშაული აქვთ ჩადენილი და პატიმრობაში სწორედ ამის გამო იმყოფებიან. მიხეილ სააკაშვილი მსჯავრდებულია გაცილებით ნაკლები დანაშაულისთვის, ვიდრე მას აქვს ჩადენილი", - ეს განცხადება ჟურნალისტებთან "ქართული ოცნების" ერთ-ერთმა ლიდერმა პარლამენტის პირველმა ვიცე-სპიკერმა გია ვოლსკიმ გააკეთა. "ნაციონალური მოძრაობისგან" არავითარ საპარლამენტო მუშაობას არ ველი. ისევ იქნება მცდელობა იმისა, მოახდინონ იმ შეგონების რეალიზაცია, რომელიც მიხეილ სააკაშვილს ძალისმიერ მოქმედებებთან დაკავშირებით გააჩნია. თუ რამე ჩვენს ქვეყანას არ სჭირდება, ეს არის არეულობა, დაპირისპირება, ხოლო სააკაშვილი არის არეულობის და დაპირისპირების სიმბოლო. ეს სურათი დღითიდღე უფრო მკაფიო ხდება. მიხეილ სააკაშვილი აგრესიული იყო პრეზიდენტობის დროს და მას გარკვეული რესურსი ჰქონდა კიდეც, სიმბოლურად რომ ვთქვათ, ხელში ჯოხი ეკავა. ახლა იგივე სააკაშვილს ვხედავთ, როგორც მსჯავრდებულს. რესურსი, რომ საზოგადოების გარკვეულმა ნაწილმა რევოლუცია მოახდინოს და ის საკნიდან ფიზიკურად დაიხსნას, არ არსებობს. რასაკვირველია, საკნიდან დახსნაც უკავშირდება მის გამეფებას, როგორც მას წარმოუდგენია,  საკუთარ თავს გარკვეულ ისტორიულ პიროვნებებს ადარებს და საკუთარი თავისთვის ზუსტად იგივე მომავალი ესახება. არ ვიცი, ეს ფსიქიკურ მდგომარეობას დავაბრალო თუ ადამიანის მისწრაფებას, რომ ქვეყანა პოლიტიკური მიზნებისთვის არიოს. არ ვიცი, მისი განცხადებები რომელი კუთხიდან გაავანაზილოთ, მაგრამ ფაქტია, რომ მას ქვეყნისთვის კარგი არ უნდა", - განაცხადა გია ვოლსკიმ.

ნიკოლოზ ბასილაშვილი

1642590381

„პოსტ-კოვიდური სინდრომი მაქვს“ - რა პრობლემაზე საუბრობს ნიკოლოზ ბასილა...

ავსტრალიის ღია პირველობაზე ენდი მარისთან პირველ წრეში მარცხის შემდეგ საქართველოს საუკეთესო ჩოგბურთელმა წაგების მიზეზებზე ისაუბრა. ნიკამ ჟურნალისტებს უთხრა, რომ კორონავირუსის გადატანის შემდეგ მას ჯანმრთელობასთან დაკავშირებით პრობლემები შემორჩა, რის გამოც ფორმის ბოლომდე აღდგენა უჭირს. „პოსტ-კოვიდური სინდრომი მაქვს და ბოლომდე აღდგენა მიჭირს. ეს პროცესი, ალბათ 2-3 კვირა გაგრძელდება, შემდეგ კი კვლავ ოპტიმალურ ფორმას დავუბრუნდები“, – განაცხადა 29 წლის ჩოგბურთელმა.  შეგახსენებთ, ავსტრალიის ღია პირველობაზე ბასილაშვილი მსოფლიოს ყოფილ პირველ ჩოგანთან, ბრიტანელ ენდი მარისთან პირველივე წრეში დამარცხდა და ასპარეზობას ნაადრევად გამოეთიშა. ნიკა მსოფლიო რეიტინგში ამ დროისთვის 21-ე პოზიციაზე იმყოფება. რამდენიმე კვირის წინ, ნიკას ATP Cup-ზე სტეფანოს ციციპასთან შეხვედრის დროს სუნთქვის პრობლემები შეექმნა, რის გამოც მატჩი ნაადრევად შეწყვიტა.

ნოდიკო ტატიშვილი

1642590373

„ეს საპასუხისმგებლო მისია“ - როგორ გახდა ნოდიკო ტატიშვილი 28 ბავშვის ნ...

მარ­თლმა­დი­დე­ბე­ლი ეკ­ლე­სია დღეს ნათ­ლის­ღე­ბას აღ­ნიშ­ნავს. როგორც მომღერალი ნოდიკო ტატიშვილი ამბობს, მას 28 ნათლული ჰყავს და თითოეულ ოჯახთან დიდი ისტორია აკავშირებს. „ეს საპასუხისმგებლო მისია. ვნერვიულობ-ხოლმე რადგან მარტივი არ არის. კოლექციას ხომ არ აგროვებ. როცა ბავშვს ნათლავ მისი ოჯახი უნდა გიყვარდეს. თითოეულ მათგანთან ჩემი ურთიერთობების საკმაოდ დიდხნიანი ისტორია მაქვს. ძალიან მიყვარს ნათლულების მშობლები. მინდა ყველას მივულოცო ეს დღე,“ - ამბობს ნოდიკო ტატიშვილი „რუსთავი 2-ის“ გადაცემაში.

ზურაბ ქადაგიძე

1642589920

ზურაბ ქადაგიძე - ბიძინა ივანიშვილის შესახებ სტატიის ავტორი არის ოკუპან...

ბიძინა ივანიშვილის შესახებ შეკვეთილი სტატიის ავტორი მოსკოვში მცხოვრები რუსი ჟურნალისტი, ვინმე ივან ნეჩეპურენკოა, ეს კაცი ბევრჯერაა შემჩნეული პროდასავლელი პოლიტიკოსების მიმართ დეზინფორმაციული ინფორმაციის გავრცელებაში, ყველაზე მნიშვნელოვანი კი ის არის, რომ მას დარღვეული აქვს კანონი ოკუპაციის შესახებ და პირდაპირ აღიარებს აფხაზეთის დამოუკიდებლობას, - ამის შესახებ ანალიტიკოსი ზურაბ ქადაგიძე სოციალურ ქსელში წერს. „ორი დღეა, ხბოს აღტკინებით გაჰკივიან ნაცების სამარცხვინო ტელევიზიები, აქაოდა ბიძინა ივანიშვილზე უცხოურ მედიაში კრიტიკული სტატია დაიწერაო. გაჰკივიან, მაგრამ არაფერს ამბობენ სტატიის ავტორზე. ჰოდა რადგან თქვენ სიმართლის თქმა არ გსურთ საზოგადოებისთვის, ახლა მე მომისმინეთ. აი მაგ შეკვეთილი სტატიის ავტორი მოსკოვში მცხოვრები რუსი ჟურნალისტი, ვინმე ივან ნეჩეპურენკოა. ეს კაცი ბევრჯერაა შემჩნეული პროდასავლელი პოლიტიკოსების მიმართ დეზინფორმაციული ინფორმაციის გავრცელებაში, მაგრამ ამაზე მოგვიანებით. ყველაზე მნიშვნელოვანი კი ის არის, რომ მას დარღვეული აქვს კანონი ოკუპაციის შესახებ და პირდაპირ აღიარებს აფხაზეთის დამოუკიდებლობას. ნაცებო და ნაც ტელევიზიებო, სირცხვილი და სინდისი რომ არ გაქვთ და მუდამ რუსულ საქმეს ემსახურებოდით და ემსახურებით, ეგ ყველამ კარგად იცის, მაგრამ ფორმალურად მაინც შეინარჩუნეთ სახე და სტატია მაინც დაუკვეთეთ ისეთ ადამიანს, ოკუპანტი და ჩვენი ქვეყნის მაძაგებელი რომ არ იყოს! „ - წერს ზურაბ ქადაგიძე Facebook-ზე.