„ახალი ინფექციების საფრთხე არ მცირდება“ - ზაზა წერეთლის გაფრთხილება

წერეთელი

ნორვეგიის სამეფოს ჯანდაცვის სამინისტროს უფროსი მრჩეველი, ზაზა წერეთელი საზოგადოებას მოსალოდნელი ინფექციების შესახებ აფრთხილებს.

„ყველაფრისადმი იოლად შემყურე საქართველომ, სადაც მთავარი პრობლემა ერთი ადამიანის სანატორიუმში დასვენებაა, ალბათ მაინც უნდა გაითვალისწინოს, რომ როგორც ბოლო დღეები აჩვენებს, ახალი ინფექციების საფრთხე არ მცირდება, რადგან ჯერ კიდევ პანდემიის წინაშე ვდგავართ.

სინამდვილეში, შესაძლოა, რომ ამ პანდემიამ გააძლიეროს ახალი საფრთხეების რისკი, რადგან ჩვენი ძალისხმევა და რესურსები თითქმის, ზღვრამდეა მისული. ამიტომაც კარგი იქნებოდა რომ ქვეყანამ გააგრძელოს ინვესტირება მზადყოფნასა და დაავადებათა მეთვალყურეობაზე, არაფერს ვამბობ ღონისძიებების მკაცრ კონტროლზე.“ - აცხადებს წერეთელი.