დააკვირდით ამ ციფრებს - რას ნიშნავს თქვენს პასპორტში მითითებული პირადი ნომერი
1732311895
2023 წლის 16 აგვისტოს ლომის ნიშანში ახალი მთვარე იქნება. მას შავ მთვარესაც უწოდებენ და როგორც წესი, ეს მოვლენა თითოეულ ადამიანზე მნიშვნელოვან გავლენას ახდენს. ასტროლოგების თქმით, ლომის ნიშანში შავი მთვარე მანიპულაციების, სიყალბისა და მოტყუების რისკებს ზრდის.
შავი ახალი მთვარის უპირატესობა ის არის, რომ დაგეხმარებათ, საკუთარი შიშები, კომპლექსები დაინახოთ და ამავდროულად, თქვენ ირგვლივ არსებული ადამიანების რეალური სახე აღმოაჩინოთ და არაკეთილსინდისიერი ხალხი გამოავლინოთ. განსაკუთრებით საყურადღებო კი ეს პერიოდი ზოდიაქოს ამ 5 ნიშნისთვის იქნება:
ლომი
ახალი მთვარე ემოციურად თქვენზე ძალიან დიდ გავლენას მოახდენს. განსაკუთრებით კი იმ ლომებზე, რომლებიც 14-18 აგვისტოს მონაკვეთში დაიბადნენ. შესაძლოა, გაიცნოთ ადამიანი, რომელიც, ერთი შეხედვით, იდეალურია, მაგრამ შემდეგ იმედი გაგიცრუვდეთ და გული გეტკინოთ. ან კიდევ აღმოაჩინოთ, რომ თქვენი ნდობა თქვენთვის მნიშვნელოვანმა ადამიანმა ბოროტად გამოიყენა, გიღალატათ და ცუდად მოგექცათ. ეს თქვენთვის ერთგვარი გამოფხიზლებისა და გაძლიერების შანსი იქნება, რომ იცოდეთ, ვის უნდა ენდოთ მომავალში და ვის - არა.
კურო
ახალი მთვარის გავლენით შესაძლოა, რადიკალური გადაწყვეტილება მიიღოთ. მაგალითად, პირად ურთიერთობებში გადახვიდეთ სხვა ეტაპზე, დაშორდეთ საყვარელ ადამიანს, ან სერიოზულად იკამათოთ, გქონდეთ მომატებული ემოციური ფონი და მოგეჩვენოთ, რომ ის საქმე, რასაც აკეთებთ, არახელსაყრელია და მიატოვოთ. ნებისმიერ შემთხვევაში, ასტროლოგები გირჩევენ, რომ 14-18 აგვისტოს მონაკვეთში, როცა ახალი მთვარის ენერგია ყველაზე ინტენსიურია, რადიკალური გადაწყვეტილებების მიღებისაგან თავი შეიკავოთ. შემდეგ კი ყველაფერი კარგად გაიაზროთ და ის გააკეთოთ, რაც თქვენთვისაა პრიორიტეტული.
სასწორი
ახალი მთვარე თქვენი კომუნიკაციისა და სოციალური აქტივობის სექტორშია. ამიტომაც, 16 აგვისტოს შესაძლოა, აღმოჩნდეთ რაიმე ტიპის ღონისძიებაზე, შეხვედრაზე, სადაც მნიშვნელოვან ადამიანს გაიცნობთ, ან კიდევ თქვენს რომელიმე კოლეგასთან ჩამოგიყალიბდებათ განსხვავებული ურთიერთობა. თუმცა, ნუ გაგიჩნდებათ განსაკუთრებული მოლოდინები. შესაძლოა, შავი მთვარის ენერგია მალევე დასრულდეს და აღმოაჩინოთ, რომ ყველაფერი არც ისე იდეალურადაა, როგორც გეჩვენებოდათ. არ თქვათ უარი საკუთარ ოცნებებსა და მიზნებზე, კარგად დააკვირდით თქვენს ცხოვრებაში არსებულ ადამიანებს და შეწყვიტეთ ურთიერთობა მათთან, ვისაც თქვენთვის ბედნიერება და სიკეთე არ მოაქვს.
კირჩხიბი
ახალი მთვარე თქვენს ფინანსურ სექტორში იქნება. ამიტომაც, შესაძლოა, მოულოდნელად ფინანსურად ძალიან გაგიმართლოთ, მიიღოთ დამატებითი შემოსავალი, ბონუსი, რომელიმე წამოწყებაში ნახოთ განსაკუთრებული იღბალი. თუმცა, ასტროლოგები გირჩევენ, რომ ფული საეჭვო ინვესტიციებში არ ჩადოთ და არ ენდოთ იმ ადამიანებს, რომლებიც ფულის დაბანდებას თქვენთვის უცნობ პროექტში გთავაზობენ. წინააღმდეგ შემთხვევაში, შესაძლოა, ფინანსური მანიპულაციის მსხვერპლი გახდეთ.
მერწყული
ახალი მთვარე თქვენს პარტნიორულ სექტორში იქნება. ამიტომაც, არ არის გამორიცხული, თქვენი შეყვარებული, ქმარი, მეგობარი, პარტნიორი თქვენ წინაშე განსხვავებული იმიჯითა და სიახლით წარდგეს. ასევე, მომატებული ემოციური ფონის გამო, დიდი შანსია, რომ პატარა კონფლიქტიც კი, დაპირისპირებაში გადაიზარდოს და იჩხუბოთ. ამიტომაც, აღნიშნულ მონაკვეთში კარგად დააკვირდით თქვენს სიტყვებს. თუკი რაიმე წყენა გექნებათ, პირდაპირ განიხილეთ თქვენთვის მნიშვნელოვან ადამიანთან, ისაუბრეთ და შეეცადეთ, ამ გზით მოაგვაროთ პრობლემა.
ასევე ნახეთ:
საპატრიარქო საგანგებო განცხადებას ავრცელებს
VIDEO: ვრცელდება შოვში დაღუპული სოფი ყარალაშვილის აქამდე უცნობი კადრები
რამდენად საშიშია კორონავირუსის ახალი შტამი, „ერისი“ და რა სიმპტომები ახასიათებს მას
„შტამი მიჩნეულია საყურადღებოდ...“ - რას ამბობს ალექსანდრე გოგინავა კორონავირუსის ახალ შტამზე
16 აგვისტოს შავი ახალმთვარეობა უნიკალური დროა, ფულისა და სიმდიდრის მოსაზიდად
გამოქვეყნდა უფასო ფაკულტეტების ჩამონათვალი უნივერსიტეტების მიხედვით
