„გოლით თავისი თამაში გადაარჩინა“ - ფრანგული მედიის შეფასება

 საფრანგეთის ლიგა 1-ის მე-12 ტურში, ხვიჩა კვარაცხელიას „პსჟ“ სტუმრად „ლიონს“ დაუპირისპირდა და დაძაბულ ბრძოლაში 3:2 გაიმარჯვა. 

ქართველი შემტევი სასტარტო შემადგენლობაში იყო და მოედანზე 75 წუთი გაატარა. 33-ე წუთზე ქართველმა შემტევმა „პსჟ-ს“ სასარგებლოდ ანგარიში 2:1 გახადა და, შესაბამისად, ლიგა 1-ის მიმდინარე სეზონში პირველი გოლი გაიტანა. ამის გარდა, ხვიჩა მთელი თამაშის განმავლობაში აქტიურობდა და პარიზული გუნდიდან ერთ-ერთი ყველაზე მაღალი შეფასება დაიმსახურა. ლუის ენრიკემ ქართველი ფეხბურთელი 75-ე წუთზე, გონსალუ რამუშით შეცვალა.  

შეხვედრის დასრულების შემდეგ, ფრანგულმა მედიამ ქართველი ფეხბურთელის თამაში შეაფასა.  
რას წერენ სააგენტოები: 
Footmercato – 6.5 ქულა: საწყის წუთებში ძალიან ფრთხილი იყო, თუმცა, ამის მიუხედავად, ქართველმა ყველას შეახსენა დიდი მოთამაშის მახასიათებლები, კერძოდ, ისეთის, რომლითაც პირველივე შესაძლებლობისთანავე შეუძლია შედეგიანი დარტყმის განხორციელება. ვიტინიას ეფექტური პრესინგის შემდეგ, კვარაცხელიამ შეცდომა არ დაუშვა და გუნდს ლიდერობა დაუბრუნა. ამის შემდეგ, სულ უფრო შთამბეჭდავი ხდებოდა. მოედნიდან გასვლამდე, „ლიონის“ დაცვა თავისი სისწრაფითა და პირისპირ თამაშით გააწვალა.
განაგრძე კითხვა Crystalsport-ზე