საქართველოში ტურიზმის აღდგენის დინამიკა საკმაოდ დადებითი ტენდენციებით მიმდინარეობს - მარიამ ქვრივიშვილი

ქვრივიშვილი

ეკონომიკისა და მდგრადი განვითარების მინისტრის მოადგილე მარიამ ქვრივიშვილი მთავრობის მეთაურის ინციატივას ტურიზმის განვითარების მიმართულებით, უპრეცედენტოს უწოდებს და ამბობს, რომ ამ ყველაფრით ჩვენ ქვეყანაში მივიღებთ ახალ ტურისტულ მიმართულებებს სხვადასხვა რეგიონში, ახალ ტურისტულ, საერთაშორისო სტანდარტების მქონე ინფრასტრუქტურას, ახალ ტურისტულ პროდუქტებს, რაც, რა თქმა უნდა, პირველ რიგში ხელს შეუწყობს ტურიზმის ინდუსტრიის აღდგენის დინამიკას, გააძლიერებს დარგს, შექმნის ახალ სამუშაო ადგილებს.

„საქართველოში ტურიზმის აღდგენის დინამიკა საკმაოდ დადებითი ტენდენციებით მიმდინარეობს. დარგის მნიშვნელობიდან გამომდინარე, საქართველოს პრემიერ-მინისტრის ინიციატივით, ქვეყანაში დამატებით გამოიყოფა 200 მლნ ლარი, რომელიც სრულად მოხმარდება ტურისტული ინფრასტრუქტურის გაუმჯობესებას. ამ ყველაფრით ჩვენ ქვეყანაში მივიღებთ ახალ ტურისტულ მიმართულებებს სხვადასხვა რეგიონში, ახალ ტურისტულ, საერთაშორისო სტანდარტების მქონე ინფრასტრუქტურას, ახალ ტურისტულ პროდუქტებს, რაც, რა თქმა უნდა, პირველ რიგში ხელს შეუწობს ტურიზმის ინდუსტრიის აღდგენის დინამიკას, გააძლიერებს დარგს, შექმნის ახალ სამუშაო ადგილებს. და რაც ყველაზე მნიშვნელოვანია, გააძლიერებს რეგიონებში მცირე და საშუალო ბიზნესებს“, თქვა ქვრივიშვილმა „პრაიმტაიმთან“.