მაკა ბოჭორიშვილი სააკაშვილის მოწოდებებზე: საბედნიეროდ, მას არანაირი უნარი და არანაირი შესაძლებლობა არ აქვს, რომ ის სურვილები, რაც მას ამოძრავებს საქართველოსთან მიმართებაში, განახორციელოს

არანაირად გასაკვირიც არ არის ის ძალადობრივი ხასიათი თუ მოწოდებები, რასაც ის ახორციელებს, - ასე აფასებს საქართველოს საგარეო საქმეთა მინისტრი მაკა ბოჭორიშვილი მიხეილ სააკაშვილის განცხადებას, რომ „ვიდრე ხალხი სელფს არ გადაიღებს ივანიშვილის ზვიგენის აკვარიუმის ფონზე და არ დაათვალიერებს ისე, როგორც სირიელმა ხალხმა დაათვალიერა ასადის სასახლე, თავისუფალი არჩევნები არ იქნება“.

როგორც მაკა ბოჭორიშვილმა ჟურნალისტებთან შესაბამისი კითხვის საპასუხოდ აღნიშნა, ეს არის ის ხასიათი და ის სახე, რაც ჰქონდა იმ დროს ხელისუფლებას და შესაბამისად, იგივე ნოტაზე აგრძელებს ის იქიდან, სადაც არის.

„საბედნიეროდ, მას არანაირი უნარი და არანაირი შესაძლებლობა არ აქვს, რომ ის სურვილები, რაც მას ამოძრავებს საქართველოსთან მიმართებაში, განახორციელოს“, - აღნიშნა მაკა ბოჭორიშვილმა.