„ილუზიების დასასრული და ფინანსური მახე: რას გვიმზადებს აპრილის პირველი კვირა“ - რამაზ გიგაურის პროგნოზი

ილუზიების დასასრული და ფინანსური მახე: რას გვიმზადებს აპრილის პირველი კვირა?, – აღნიშნულ თემაზე ასტროლოგი რამაზ გიგაური სოციალურ ქსელში ვრცელ პოსტს გვიზიარებს.

„ილუზიების დასასრული და ფინანსური მახე: რას გვიმზადებს აპრილის პირველი კვირა? მარტის ქაოსი და გაყინული პროცესები სრულდება. აპრილი საკმაოდ დინამიკურ ტემპს გვთავაზობს და

ყველა ის საქმე, რომელიც აქამდე ერთ წერტილში იყო გაყინული, ადგილიდან დაიძვრება. თუმცა, თუ ფიქრობთ, რომ ახლა მოდუნების და იმპულსური გადაწყვეტილებების დროა - კრიტიკულ შეცდომას უშვებთ. მომდევნო კვირა (30 მარტი – 5 აპრილი) არ არის რიგითი პერიოდი. ეს არის ენერგეტიკული კონტრასტების ურთულესი მონაკვეთი. ერთი მხრივ, 1-2 აპრილის სავსემთვარეობა პარტნიორულ ურთიერთობებში ყველა ფარულ დეტალს ააშკარავებს და რადიკალურ ცვლილებებს ითხოვს. მეორე მხრივ, ცაზე ფორმირდება კვირის მთავარი ხაფანგი - ვენერასა და პლუტონის ნეგატიური ასპექტი. მაქსიმალურ ყურადღებას ითხოვს ფინანსური რისკები, მსხვილი შენაძენი ან სპონტანური ინვესტიციები.

ამას ემატება 2-3 აპრილის უჩვეულოდ ხანგრძლივი „უკურსო მთვარის“ ვაკუუმი, სადაც ნებისმიერი ახალი ინიციატივა წინასწარ არის განწირული კრახისთვის. ამ კვირაში გამარჯვებული გამოვა მხოლოდ ის, ვინც გამორთავს შფოთვის ავტოპილოტს, შეინარჩუნებს უკიდურეს ემოციურ სიფხიზლეს და დროის ზუსტ მენეჯმენტს გამოიყენებს. როდის უნდა გადადგათ ნაბიჯი და როდის არის აუცილებელი სრული სტატიკურობის შენარჩუნება? სად გადის ზღვარი ფინანსურ კრიზისსა და ახალ შესაძლებლობას შორის? მომდევნო შვიდი დღის სტრატეგიული ალგორითმი, თითოეული დღის მოქმედების ზუსტი პროტოკოლითა და აკრძალვებით, უკვე პატრეონის პლატფორმაზეა“, – ვკითხულობთ ტექსტში.