23 სექტემბერს შემოდგომის ბუნიობა იქნება - რა (არ) უნდა გააკეთოთ

23 სექტემბერს, თბილისის დროით, 04:05 საათზე შემოდგომის ბუნიობა დადგება - დღე, როდესაც დღის და ღამის ხანგრძლივობა ერთმანეთთან თითქმის თანაბარია. ამ პერიოდიდან ჩრდილოეთ ნახევარსფეროში დღე თანდათან შემცირებას, ღამე კი გახანგრძლივებას დაიწყებს.

ბუნიობას სხვადასხვა ხალხურ ტრადიციასა და რწმენაში განსაკუთრებული მნიშვნელობა აქვს. მას ხშირად ცვლილებების, ახალი ეტაპის დაწყებისა და ძველის დასრულების პერიოდად მიიჩნევენ.

რა შეგიძლიათ გააკეთოთ

ბუნიობის დღეს შეგიძლიათ დრო საკუთარ თავსა და სამომავლო გეგმებს დაუთმოთ. ბევრისთვის ეს პერიოდი კარგი შესაძლებლობაა, გადახედოს მიზნებს, დაასრულოს გადადებული საქმეები და ახალი გეგმები შეადგინოს.

ასევე, ტრადიციულად, ბუნიობის პერიოდს უკავშირებენ სახლის დალაგებასა და არასაჭირო ნივთებისგან გათავისუფლებას. იდეა მარტივია - ძველის გაშვება და ახალი ეტაპისთვის სივრცის შექმნა.

რის გაკეთებას უნდა მოერიდოთ

ხალხური რწმენების მიხედვით, ბუნიობის პერიოდში არ არის სასურველი კონფლიქტებში ჩართვა, ნეგატიურ ემოციებზე კონცენტრირება და ძველი წყენის გაღვივება. ასევე, ზოგიერთი ტრადიცია გვირჩევს, ამ დღეს მნიშვნელოვანი გადაწყვეტილებების მიღებისას ემოციებზე მეტად დაფიქრებულები ვიყოთ.

23 სექტემბრიდან კი ბუნებრივად იწყება პერიოდი, როდესაც ჩრდილოეთ ნახევარსფეროში დღის ხანგრძლივობა თანდათან იკლებს და შემოდგომის სეზონი უფრო შესამჩნევი ხდება.