1773437458

გოგა მანიას უახლესი წინასწარმეტყველება

ეზოთერიკოსმა გოგა მანიამ „პრაიმ ტაიმს“ მორიგი ხილვა გაანდო. ის ხალხს ურჩევს მთებზე და კურორტებზე განსაკუთრებით ფრთხილად იყვნენ. გოგა მანიას თქმით, მარტი, გაზაფხულის დასაწყისი განსაკუთრებით საფრთხილო პერიოდი იქნება. „მარტი და ზოგადად გაზაფხული ძალიან საფრთხილოა. იქნება აფეთქებები და ნგრევები, ოღონდ ეს არ იქნება საქართველოში. ასევე, მოხდება ვულკანური ამოფრქვევები. რაც შეეხება საქართველოს, ცოტა მოიმატებს მიწისძვრები. ხალხს ვურჩევ მოერიდოს მაღალმთიან ადგილებს, გაზაფხული ზაფხულის გასაყარ პერიოდში. იქნება ფრინველის ახალი ვირუსი, მოერიდეთ ასევე ცხოველებს. შესაძლოა, ჭირმა იფეთქოს. ასეთი ხილვა მქონდა. ჩემი თითოეული ხილვა მტკივნეულია ჩემთვის, იმიტომ რომ მარტო ვცხოვრობ და ხილვა ხდება ღამე. ჩემი წინასწარმეტყველებების 8 პროცენტი მაქვს გამხელილი. ასევე, იქნება აფეთქებები მაღაროებში, რომელიც მთელ საქართველოს შეძრავს - რომ არ ველოდებით იმ მდგომარეობაში აღმოვჩნდებით“, - განაცხადა გოგა მანიამ. 

1773259586

"წამებში მოხდა ყველაფერი, ხმის ამოღებაც ვერ მოახერხა ისე გარდაიცვალა..." - რამაზ ნოზაძე

რამაზ ნოზაძის და ხატია სიჭინავას ოჯახმა ცოტა ხნის წინ დიდი დანაკლისი განიცადა. რამაზის მამა მოულოდნელად გარდაიცვალა. ამის შესახებ, სპორტსმენმა "პრაიმ ტაიმს" უამბო.- ცოტა ხნის წინ ძალიან დიდი ადამიანი, მამა გამომეცალა ხელიდან. მან მაზიარა დიდ სპორტს, რომლითაც ჩემს ერს ვუყვარვარ. სულ ვცდილობ არ დავაზიანო ჩემი ოჯახი და ჩემი საქართველო. მე და მამას განსაკუთრებულად კარგი ურთიერთობა გვქონდა. ამ დანაკარგს რაღაცნაირად ვუმკლავდებით. - რითი გარდაიცვალა მამა, ავადმყოფობდა?- არაფერი არ სჭირდა, არ უჩიოდა ჯანმრთელობას. ფილტვის ანევრიზმით გარდაიცვალა, იმ მომენტში დედასთან ერთად იყო, წამებში მოხდა ყველაფერი, ხმის ამოღებაც ვერ მოახერხა ისე გარდაიცვალა. დედა ძალიან ძლიერი ადამიანია, ჩვენც მის გვერდით ვართ და ვცდილობთ ეს ტკივილი ღირსეულად გადავიტანოთ. 

1773255081

"ჩემი ქმარი 4 წლით პატარაა, არ მიყვარს დიდი კაცები, ენერგიას სწოვენ ქალებს" - ლანა მეტრეველი

ლანა მეტრეველი ცნობილი ქართველი ინფლუენსერია, რომელსაც ტიკტოკზე 67400 და ინსტაგრამზე 36000 გამომწერი ჰყავს. მისი სოციალური ქსელის მეშვეობით ლანა უცნობი ადამიანების აზრს აცნობს საზოგადოებას ამა თუ იმ არაპოლიტიკურ აქტუალურ თემებზე, თავადაც პირდაპირი ადამიანია და ხშირად კრიტიკის ქარცეცხლში ეხვევა. ლანა წარმოშობით ფოთიდან არის, მაგრამ ვინაიდან მშობლები სხვადასხვა ქალაქებში ცხოვრობენ და მეუღლეც უცხოელი ჰყავს ხშირად უწევს საცხოვრებლის შეცვლა.საკუთარი ისტორია, მან "პრაიმ ტაიმის" მკითხველს გაანდო. - ლანა, თქვენს შესახებ გვიამბეთ?- ხუთი წელია გათხოვილი ვარ, ჩემი ქმარი ჩემზე 4 წლით პატარაა, არ მიყვარს დიდი კაცები, იმიტომ რომ ენერგიას წოვენ ქალებს. მყავს შვილი 10 წლის გიორგი. სხვადასხვა ქალაქებში მიწევს ცხოვრება და ეს მახალისებს, რადგან ერთ ადგილზე გაჩერება ისედაც არ მიყვარს. მე სახლში ქვაბებთან ვერ დავჯდები, საჭმლის გაკეთება და სახლის დალაგება კი ვიცი, მაგრამ მაგაზე ენერგიის დახარჯვა არ მიყვარს, ამიტომ დიასახლისი მოდის და გვეხმარება. ასეთი პატარაა სიცოცხლე და ამაში რატო უნდა დავხარჯო ენერგია?ორსულად როცა ვიყავი სრულიად მარტო დავრჩი, რადგან ადამიანს რომელიც ჩემი შვილის მამაა ორსულობის დროს დავშორდი. სერიოზული ურთიერთობა გვქონდა, მაგრამ შვილი არ უნდოდა და როცა ეს მითხრა, იმ დღის შემდეგ დავშორდი. ასევე, გავიგე მღალატობდა სამ ქალთან. - როგორ გაიგე ღალატის შესახებ?ერთმა ქალმა დამირეკა, შემხვდა და მითხრა მას მე ვხვდებიო, სამსახურშიც ჰყოლია ვიღაც და ყოფილ ცოლთანაც ჰქონდა თურმე პერიოდულად ურთიერთობა.  ხელის გულზე მატარებდა და ვერასდროს დავუშვებდი თუ მღალატობდა, მაგრამ შემდეგ გამოჩნდა ყველაფერი. დაშორების მერე მეგობრებმაც მითხრეს არ გვინდოდა შენთვის თქმაო. უნდა მივაქციოთ ყურადღება მამაკაცს რა ურთიერთობები ჰქონდა ყოფილთან. როგორ ეხმარება შვილებს, დედას. ახლა ვინც არის ჩემი ქმარი ის ძალიან ყურადღებიანი დედის მიმართ. - პროფესიით ვინ ხართ?- იურისტი ვარ, აკადემიის დასრულების შემდეგ პოლიციაში ვმუშაობდი, მაგრამ არ არის ჩემი. ჩემი კონტენტი მიყვარს. ახლა მე თვითონაც დავიწყე საუბარი, ხალხი მაინც ყურადღებას აქცევს კომენტარებს და თავს იკავებენ, მე კი ამის პრობლემა არ მაქვს.

1773252558

"საუბარი იყო გადარჩენა-არგადარჩენაზე, ფეხის ამპუტაციაც შეუძლებელი იყო..." - ცისანა სეფიაშვილი

მომღერალი და ტელეწამყვანის, ცისანა სეფიაშვილის ცხოვრებაში ახლა ყველაზე მშვიდი და იდილიური ეტაპია. 50 წლის ზღურბლს რაც გადააბიჯა ცხოვრების პრიორიტეტები მნიშვნელოვნად შეცვალა. აღიარებს, რომ ბევრი ადამიანი გაუშვა მისი ცხოვრებიდან, თუმცა ვინც დარჩა მათ ორმაგად აფასებს.მისი ჰარმონიის წყარო მისი მეუღლე ოთო გიორგობიანი, ოთხი შვილი და მოსიყვარულე მშობლები არიან. სხვათა შორის ცისანას ცხოვრებაში სიყვარული მაშინ გამოჩნდა, როდესაც სულაც აღარ ფიქრობდა სიყვარულზე და თვლიდა, რომ ამის გარეშეც ძალიან ბედნიერი და შემდგარი ქალი იყო, თუმცა ოთოს გამოჩენამ მისი ხედვები და გეგმები მნიშვნელოვნად შეცვალა. ამ სიყვარულსაც მოჰყვა  განსაცდელი, როდესაც ერთი შეხედვით მარტივი ფეხის მოტეხილობა იმდენად გართულდა, რომ 9 თვის განმავლობაში 23 ოპერაცია დასჭირდა.- მე არ შემიძლია გაჩერებული და პასიური ვიყო კარიერაში. ჩემი საქმიანობა დამატებით ძალას მაძლევს ცხოვრებაში. ეს შესაძლებელია იმ დროს, როდესაც ჩემს გვერდით არის ადამიანი, რომელიც ყველანაირ თავისუფლებას გაძლევს, მეტ სტიმულს გაძლევს, რომ ვაკეთო საკუთარი საქმე.- მეუღლეს გულისხმობთ?- კი, რა თქმა უნდა. ის ნამდვილად მაძლევს ძალას, რომ ვაკეთო ჩემი საქმეები.- მეუღლემ როგორი კომფორტი შეგიქმნათ, რომ ასე ბედნიერად და ლაღად გრძნობთ თავს?- ჩემმა ქმარმა ძალიან ბევრი კომფორტი შემიქმნა. პირველ რიგში მნიშვნელოვანია ჩემს შვილებთან მისი ურთიერთობა და ჩემთან დამოკიდებულება, რომელიც ისეთია, რომ არც კი მეგონა თუ არსებობდნენ ადამიანები, რომლებიც ასე იზრუნებდნენ მეორე ადამიანზე. ყველაფერს აკეთებს იმისათვის, რომ თავი კომფორტულად იგრძნოს. ხშირად ვეხუმრები კიდეც, რომ შენს გვერდით უფრო კეთილშობილი გავხდი. ყველა ჩემ წამოწყებას მხარს უჭერს, ეს ტელევიზია იქნება, სიმღერა, თუ ახალი იდეები, რომლის განხორციელებაც მომავალში მინდა. ყველა შემთხვევაში ის გვერდში მიდგას. ყველაფერში მიწყობს ხელს, რაც მე მაბედნიერებს.- თუმცა დაოჯახებითანავე პრობლემების გადალახვაც მოგიწიათ, ვგულისხმობ მეუღლის ჯანმრთელობის მდგომარეობას, ეს პრობლემა, რომ გადალახეთ ალბათ ახლა განსაკუთრებული სიმშვიდეა თქვენს შორის?ეს იყო მართლაც რთული პერიოდი, იმიტომ, რომ აქ საუბარი იყო ამ ადამიანის გადარჩენა-არგადარჩენაზე. ფეხის ამპუტაციაც შეუძლებელი იყო, რადგან შესაძლოა ვერ გადაეტანა. ერთმანეთის გვერდში დგომამ, გატანამ და მხარდაჭერამ თავის საქმე გააკეთა. მიუხედავად იმისა, ერთი წუთითაც არ დამიტოვებია ოთო საავადმყოფოში, ერთად ვათენებდით ღამეებს, გაუსაძლისი ტკივილები ჰქონდა. ოთომ მანამდე იმდენი რამ მომცა, იმხელა სიყვარული დამანახვა, რომ ამან მომცა ძალა, რომ ასე დავდგომოდი ამ რთულ პერიოდში გვერდით. საბედნიეროდ დღეს ყველა ეს ეტაპი გავლილია. წყარო: ჟურნალი „სარკე“

1773000693

“ორთვე-ნახევარი რეანიმაციაში გაატარა, 2-3 დღეში პალატაში უნდა გადაეყვანათ...“ - ანრი ჯოხაძე

 მომღერალ ანრი ჯოხაძის ცხოვრებაში რამდენიმე თვის წინ ტრაგედია დატრიალდა. ხანგრძლივი ავადმყოფობის შედეგად დედა, მუსიკოსი რუსუდან ჩხაიძე გარდაიცვალა. ანრიმ დედის გარდაცვალების შესახებ პირველად “იმედის კვირაში” ისაუბრა.“ორთვენახევარი რეანიმაციაში გაატარა, 2-3 დღეში პალატაში უნდა გადაეყვანათ და უცებ ყველაფერი მოტრიალდა უკუღმა. წავიდა ჩვენგან. ვერ ვიღებ ამ მოცემულობას, არ იყოს რუსიკო ჩვენს გვერდით წარმოუდგენელია.სახლში არის აბსოლუტური სიცარიელე. ხანდახან ვფიქრობ რატო გახდა ასეთი პოპულარობა ჩვენი დედაშვილობა. ეს იყო ჩვენი ურთიერთობის ფორმა და არ იყო სიყალბე. ეს იყო ქალი რომელიც არასდროს გვზღუდავდა, ყველაფერი გააკეთა რომ ჩვენში ადამიანი აღეზარდა.როცა კონკურსებზე მიწევდა წასვლა, წავიდოდა ისესხებდა პროცენტიან ვალებს მე რომ თვითმფრინავის ბილეთები მეყიდა და მან გააკეთა ყველაფერი ჩემთვის” - განაცხადა მომღერალმა ინტერვიუში.მუსიკოსმა სიუჟეტში გულახდილად ისაუბრა მის განცდებზე და განაცხადა, რომ დედის გარდაცვალების შემდეგ ინსტრუმენტთან დაჯდომაც არ შეეძლო.ამის მიუხედავად მან შეძლო და დედის დღეს კონცერტი გამართა, რომელიც დედის რუსუდან ჩხაიძის ხსოვნას მიუძღვნა.

1772741941

„ჯერ ომანში ვართ...“ - თათია შარანგია

პიანისტი და ტელეწამყვანი თათია შარანგია, ახლო აღმოსავლეთში კონფლიქტის დაწყების დროს, დუბაიში იმყოფებოდა. შარანგია დასასვენებლად ოჯახთან ერთად გაემგზავრა, თუმცა მისი გეგმები, აშკარად, შეიცვალა და ახლა ცდილობს, როგორმე საქართველოში დაბრუნდეს. „ჯერ ომანში ვართ, მალე აეროპორტისკენ... იმედია, დღეს ჩამოვალ თბილისში“, - წერს თათია შარანგია ინსტაგრამზე. 

1772739956

„მადლობა ქეთის და ღმერთს, ყველაფრისთვის“ - დავით კაჭარავა

ვეტერანმა მორაგბემ, რაგბის კავშირის პრეზიდენტმა დავით კაჭარავამ ლაშა დვალიშვილის გადაცემაში „ჩემპიონები“ ოჯახის შესახებ ისაუბრა.დავით კაჭარავა წლებია დაქორწინებულია ცნობილ ტანმოვარჯიშეზე და ტელეწამყვანზე ქეთი ხატიაშვილზე, წყვილს ორი საერთო შვილი ჰყავს.„მოედანზე ხარ, თუ პრეზიდენტის რანგში, ოჯახს უდიდესი მნიშვნელობა აქვს. იცით, ბევრი ბავშვია ჩვენს სახლში და ამით დადებითად ვიტვირთები. ტვინის გადართვა აუცილებელია, მხოლოდ საქმის გარშემო ვერ იქნები კონცენტრირებული. ქეთის როლი და მხარდაჭერა ნებისმიერ სიტუაციაში მნიშვნელოვანია. მადლობა ქეთის და ღმერთს ყველაფრისთვის. მე ბედნიერი ადამიანი ვარ, საქმეში და სპორტში იმ საქმის გარშემო ვარ, რაც მიყვარს, წარმატებული ვარ თუ წარუმატებელი, სხვამ განსაჯოს. ოჯახში ბედნიერი ვარ, ბევრი ბავშვები გვყავს, ხან ღიმილია, ხან ტირილი, მაგრამ ბედნიერი ვარ ამ ყველაფრით“, - განაცხადა დავით კაჭარავამ. 

1772484228

“მთელი დღე სასტუმროს საცავში გავატარეთ, ხალხი ჩვენთან ერთად ლოცულობს" - რას ყვება ისრაელში ჩარჩენილი გიორგი შოშიტაშვილი

ახლოაღმოსავლეთში მიმდინარე საომარი მოქმედებების შედეგად ისრაელიდან საქართველოში ამ დრომდე ვერ ბრუნდებიან ქართული ესტრადის ვარსკვლავები. «პრაიმ ტაიმი» ანსამბლ «ქსოვრელების» სოლისტს გიორგი შოშიტაშვილს აშდოთში დაუკავშირდა და შეეცადა მისგან გაერკვია რა ვითარებაა ახლა ისრაელში იქ, სადაც ისინი იმყოფებიან.- გიორგი, როდის და რატომ გაემგზავრეთ ისრაელში მომღერლები?- 26 თებერვალს ჩამოვფრინდით ისრაელში, კაკული გურიელაშვილის ხსოვნისადმი მიძღვნილი საქველმოქმედო კონცერტისთვის. ჩვეულებრივი სიმშვიდე იყო და 28 თებერვალს დილით გაისმა განგაშის ხმა, რაც იმას ნიშნავს რომ კარგი არ ხდება და დაიწყო ომი. კონცერტი გაუქმდა ამ ეტაპზე, მაგრამ როცა ყველაფერი დასრულდება კონცერტი აუცილებლად ჩატარდება.- სად იმყოფებით ამჟამად?- 28 თებერვალი მთლიანად სასტუმროს საცავში გავატარეთ, აშდოთში ვიმყოფებით ჩვენ და აქ ახლა საბედნიეროდ სიწყნარეა. პრევენციის მიზნით ირთვება სირენები. მადლობას ვუხდი აშდოთის მერიას ასეთი ყურადღებისთვის. ბატონ მოშე ბოთერაშვილს ვუხდი უდიდეს მადლობას. ამ ხალხისთვის ეს ახალი არ არის და ჩვეულებრივი განწყობაა, ჩვენთან ერთად არიან, ლოცულობენ. გვმასპინძლობს მოშე გურიელაშვილი და ერთი წამით არ გვტოვებენ უყურადღებოდ. დაძაბულ ურთიერთობებს ფაქტიურად ვერ ვგრძნობთ. ახლა კარგად ვართ, მშვიდად ვართ და ველოდებით როდის დავბრუნდებით თბილისში, სავარაუდოდ 2-3 დღეში დავბრუნდებით. 8 მარტს ერთად გავატარებთ.

1772483602

ვის ჯანმრთელობას უქმნის საფრთხეს გეომაგნიტური დღეები და რატომ იმატებს წნევა და თავის ტკივილი - ცაგარელი

ასტროლოგმა მიხეილ ცაგარელმა «პრაიმ ტაიმთან» იმის შესახებ ისაუბრა თუ რა გავლენას ახდენს ადამიანის ჯანმრთელობაზე მაგნიტური დღეები და რატომ. - ბატონო მიხეილ, რატომ ახდენს მაგნიტური დღეები და მზეზე მომხდარი აფეთქებები გავლენას ადამიანის ჯანმრთელობაზე?- მზეზე აფეთქებები და მზის ქარიშხლები მოქმედებს ჩვენს ჯანმრთელობაზე. როცა დედამიწის გეომანტია უარყოფითია და გასავლელი გვაქვს დაბნელების დეოეფნები იმატებს გეომაგნიტური დღეებიც. ამის შესახებ ყოველთვის ვაცნობებ საზოგადოებას ჩემი ჟურნალის მეშვეობით და ცხრილებიც მაქვს. ამ კუთხით მარტი პოზიტიურ ენერგოველშია. გამონაკლისია მხოლოდ 3 მარტი, რომელიც მთვარის დაბნელება და მძიმე დღეა. უარყოფით ენერგოველში როცა არის დედამიწა ადამიანი გაღიზიანებულია, იქმნება ჯანმრთელობის პრობლემები განსაკუთრებით ხანდაზმულებისთვის და გულსისხლძარღვთა პრობლემების მქონეთათვის. რადგან იცვლება წნევა, იმატებს თავის ტკივილი, დისკომფორტი და ა.შ. როცა მაგნიტური ქარიშხლებია ფრთხილად უნდა ვიყოთ. თუ გაქვთ დისკომფორტი გაატარეთ შესაბამისი პროფილაქტიკა. ლოცვა და სიყვარული უნივერსალური მეთოდებია, მაგრამ აქ რადგან ჯანმრთელობაზე მიდის ზეწოლა უნდა დავეხმაროთ ორგანიზმს თუნდაც წამლების მეშვეობით. 

1772134861

„ეს არის ტკივილი, რომელიც არ გადის... უფრო მეტად მენატრება და მტკივა...“ - თაკო გაჩეჩილაძის ექსკლუზიური ინტერვიუ „პრაიმტაიმთან“

მომღერალი თაკო გაჩეჩილაძე დედის გარდაცვალების შემდეგ, შვილებთან ერთად ვენიდან საქართველოში დაბრუნდა და დროებით აქ ცხოვრობს. თაკოს მთავარი საზრუნავი ახლა შვილების აღზრდაა, ის ასევე სწავლობს კონსერვატორიაში, მაგისტრატურაზე და ახალ რეპერტუარზე მუშაობასაც მალე დაიწყებს.მომღერალმა „პრაიმტაიმს“ ექსკლუზიური ინტერვიუ მისცა.- თაკო, რა სიახლეებია თქვენს კარიერაში? - ამ ეტაპზე გამორჩეულად ვერაფერს ვიტყვი. ჩემი დროის უდიდესი ნაწილი ჩემს შვილებს მიაქვთ, ასევე, კონსერვატორიაში ვსწავლობ და თავისუფალი დრო არაფრისთვის მრჩება. სიმღერა, დღემდე არის ჩემი მთავარი აზრი პროფესიული თვალსაზრისით, თუმცა შვილებზე წინ ვერაფერს დავაყენებ. ყველაზე დიდი მიღწევა და წარმატება ჩემთვის სწორედ ისინი არიან. კონსერვატორიაში საგუნდო-სადირიჟოროზე ვსწავლობ მაგისტრატურაზე, რომელსაც მალე დავამთავრებ. როცა კონსერვატორიაც დამთავრებული მექნება და ბავშვებიც უფრო წამოზრდილები იქნებიან, ბევრი დრო მექნება საკუთარი თავისთვის და სიმღერასაც დავუბრუნდები. მე და ჩემმა მეუღლემ ვენაში ცხოვრების დროს ჩავწერეთ სიმღერები, რომლებიც არის პოპის ჟანრის. იმის გარდა, რომ მამაჩემის ბიგ-ბენდთან ერთად ჯაზს ვმღეროდი, ეს იმას არ ნიშნავს, რომ მზად ვარ ჟანრი შევიცვალო. მე ყველაზე ბუნებრივად ჩემ თავს პოპში და არ-ენ-ბიში ვგრძნობ.- ვინ გეხმარებათ შვილების აღზრდაში? - ძიძა მყავს, ძალიან კარგი. ჩემი და ნინოც მეხმარება. მე მაქსიმალურად ვცდილობ, შვილებთან ერთად დიდი დრო გავატარო. ეს არის ჩემი სურვილი. ვფიქრობ რომ 6-7 წლის ასაკამდე უნდა ვიყო მაქსიმალურად ჩართული მათ აღზრდაში. განსაკუთრებული მნიშვნელობა აქვს აღზრდას, მენტალობას, ტრადიციები მინდა რომ შეინარჩუნონ და საამაყოები გაიზარდონ. ამაზე მნიშვნელოვანი მშობლისთვის ალბათ არაფერია, როცა დავბერდები ვთქვა, რომ კარგი შვილები გავზარდე. - რამდენიმე წლის წინ, საზღვარგარეთ გათხოვდით, თუმცა ბოლოს მაინც საქართველო აირჩიეთ და ახლა აქ ცხოვრობთ, რატომ?- ემიგრაციამდე სულ ვამბობდი - ოღონდ, აქედან წავიდე-თქო და როცა წავედი, მერე ვამბობდი, ოღონდ სახლში დავბრუნდე-მეთქი. ღმერთმა დამანახვა, რომ შენს სახლს და სამშობლოს არაფერი სჯობს. როგორ ფანტასტიკურ ქვეყანაშიც არ უნდა ცხოვრობდე, ჩემთვის გადამწყვეტი მნიშვნელობა არ ჰქონდა იმას, რომ ავსტრია ცხოვრების დონით პირველ ადგილზეა. მე გამიჭირდა საცხოვრებლად გადასვლა ისეთ ქვეყანაში, სადაც არავის არ ვიცნობ. საქართველოში ყველა სტუმართმოყვარე, თბილი და მეგობრულია. ეს იქ არ არის. რეალურად, დიდად არავის არ აინტერესებ და ამ სიცივემ ძალიან შემაწუხა. ზოგი ადამიანი ალბათ ეგუება ამ ცივ ურთიერთობებს, მე ვერ შევეგუე. თან დედა გარდამეცვალა და აუცილებლად უნდა დავბრუნებულიყავი. ჩემი და ნინო კი აქ არის, მაგრამ მამა ასაკშია, 88 წლის არის, ამიტომ წასვლა აღარ გამოდიოდა და ამ ეტაპზე ვამჯობინეთ აქ ვიყოთ. ორი ბავშვი ერთდროულად ძალიან რთულად აღსაზრდელია, რადგან მათ შორის დიდი ასაკობრივი სხვაობა არ არის. ამის გამოც გამიჭირდა იქ და ახლა ჯობია აქ ვიყოთ. სულ საქართველოში არ დავრჩებით, ბავშვებსაც მოუნდებათ წასვლა, მაგრამ ახლა ასე ჯობია. ძალიან ბედნიერი ვარ, რომ ჩემს ქვეყანაში დავბრუნდი, საქართველოს არაფერი მირჩევნია!- როგორც ვიცი, დედა მოულოდნელად გარდაიცვალა... - დედა აბსოლუტურად მოულოდნელად გარდაიცვალა. მაისში გავა 4 წელი და დღემდე ვერ შევეგუე იმ ფაქტს, რომ დედა აღარ არის. რომ ყოფილიყო რამე მიზეზი, ქვეცნობიერად შეგუებული ხარ იმ ფაქტს, რომ ერთ დღეს შესაძლოა აღარ იყოს. დედა იყო სიცოცხლით სავსე, ჯანმრთელი და ენერგიული. უცებ რომ დამირეკეს და მითხრეს აღარ არისო, ეს იყო შოკი. სისულელის გამო გარდაიცვალა, კბილი ასტკივდა, შემდეგ დაუსივდა, ექიმებმა არასწორი დიაგნოზი დაუსვეს და ორ-სამ დღეში გარდაიცვალა. ვერ დაადგინეს რა სჭირდა, ვერ უშველეს და ეს საშინელება დაგვემართა. დედის გარდაცვალების გამო დიდი დეპრესია მქონდა. ეს გლოვა არასდროს გავა. რომ ამბობენ, დრო გავა და გაგივლისო, ასე არ არის - ეს არის ტკივილი, რომელიც არ გადის. რაც დრო გადის, უფრო მეტად მენატრება და უფრო მტკივა. - ბავშვები როგორ გრძნობენ საქართველოში თავს? - ბავშვებს ძალიან უყვართ თავისი ქვეყანა. ქართულად გამართულად საუბრობენ. სკოლაშიც შევიდნენ. მათთვის ახლა სახლი არის საქართველო. ჩემს შვილებს მინდა საქართველოდან და ევროპიდან მივაღებინო საუკეთესო.- ახალი სიმღერების ჩაწერას არ გეგმავთ? - რა თქმა უნდა! - ინტერესი მაქვს და მექნება. უბრალოდ ეს პერიოდი რთულია. მალე დამეწყება გამოცდები, უნდა დავამთავრო სასწავლებელი და მერე ჩემი მთელი ყურადღება გადავა სიმღერაზე. 9 წლიდან სცენაზე ვდგავარ და მგონია ამასთან ერთად დავიბადე. ამიტომ სიმღერაზე უარს ვერასდროს ვიტყვი. ღმერთი ბევრ ადამიანს არ აჯილდოებს კარგი ვოკალური მონაცემებით და ვთვლი, რომ ეს ნიჭი არ უნდა დავაიგნორო. ამიტომ ეს საქმე არასდროს არ დამთავრდება ჩემთან, აუცილებლად დავიწყებ ისევ სიმღერას და ახალ რეპერტუარზე მუშაობას.

1771870233

"შეიძლება, ყველას ეს არ ესიამოვნოს, რასაც ახლა ვიტყვი..." - მიხეილ ცაგარელის გაფრთხილება

ასტროლოგმა მიხეილ ცაგარელმა "პრაიმ ტაიმთან" იმის შესახებ ისაუბრა, თუ რა ცვლილებებს მოუტანს მსოფლიოს და საქართველოს ცეცხლოვანი ცხენის წელი. - ეს წელიწადი მშვიდი არანაირად არ იქნება. რადგან დაიწყო იმ დღეს როცა გვქონდა ახალმთვარეობა და მზის დაბნელება. 17 თებერვალს მზის დაბნელების დროს გარკვეული ენერგეტიკული დაძაბულობა შემოვიდა. ეს კი შეცვლის ბევრ რამეს როგორც სამყაროში ასევე საქართველოში. შესაძლოა მოიმატოს რელიგიურმა ფანატიზმმა და ამ ფონზე დაპირისპირებამ. რადგან ცეცხლის სტიქიის წელიწადია, დიდი ენერგია მოდის, ჯერ ერთი ყველა გამოვცოცხლდებით, მაგრამ ადამიანმა თუ ვერ ისწავლა ამ ენერგიის დალაგება, შესაძლოა გადაუვიდეს კონფლიქტებში. ეს შესაძლოა მხოლოდ ცალკეულ პირებს შორის არ მოხდეს და მსოფლიოს სხვადასხვა ქვეყნებს შორის გაღვივდეს კონფლიტური და საომარი ვითარება. ჩემი აზრით შესაძლოა საომარმა ვითარებამ 2028 წლამდეც კი გასტანოს. ასევე არაა გამორიცხული ტრავმულმა და ავარიულმა ტენდენციამ მოიმატოს. სასიკეთოც არის ეს წელი. ივლისის ბოლომდე ძალიან კარგია საოჯახო ურთიერთობებისთვის. პატივი უნდა მივაგოთ წინაპრების ხსოვნას, სანთელი დავართოთ და ეს საგვარეულო ენერგია ძალიან დაგვეხმარება. მეორე ნახევარი კარგია ქორწილებისთვის, ივლისის ბოლოდან შემოდის სასიყვარულო კონტაქტები, ურთიერთობების გაუმჯობესება შვილებთან. გვექნება როგორც კარგი ასევე ცუდი ეპიზოდები. ჩვენზეა დამოკიდებული ცეცხლის ენერგიას რაში მივმართავთ. - საქართველოზე რა გავლენას მოახდენს ეს წელი?- საქართველოში დიდი ცვლილებები იქნება, დაიწყო წელიწადი და უამრავი დაჭერებია. ცვლილებები გაგრძელდება, იმიტომ რომ სატურნი და ნეპტუნი გადავიდა ვერძის ზოდიაქოში. სატურნი ესაა კანონი, ვერძი კი არის დასჯა. ამიტომ ყველა ადამიანი ვინც არღვევდა კანონს აუცილებლად დაისჯება. ბევრი დაჭერები იქნება, ბევრი ორგანიზაცია გარდაიქმნება. ჩვენ ერთი თემის ბოლომდე მიყვანას ვერ მოვასწრებთ, მეორე რომ დაიწყება. იქნება ბევრი სკანდალური მასალები. ნეპტუნის შესვლა ისეთ ღია ნიშანში როგორც არის ვერძი გახსნის ბევრ საიდუმლოს და ეს იქნება სერიოზული სენსაციური მასალები, რომელიც ცალკეულ პირებსაც შეეხება, უფრო მეტიც კოსმიური საიდუმლოებების გახსნასაც შეეხება. არ არის გამორიცხული უცხოპლანეტელებთან დაკავშირებული ახალი ინფრომაცია გამოჩნდეს. მზად იყავით ცვლილებებისთვის და არ ჩავარდეთ შოკში. - საქართველოშიც გააქტიურდება უცხოპლანეტელები?- აქაც შეიძლება გააქტიურდეს ეს პროცესები. ამას დიდი გავლენა ექნება საქართველოზეც. მაინცდამაინც არ არის სასურველი მათი დანახვა ამ ეტაპზე, რადგან უმეტესად ისინი მაინც ბნელი ენერგიებით მოდიან ჩვენთან. ადამიანს უნდა რაღაც ახალი შეიგრძნოს, მაგრამ არ იცის დაპყრობილია დემონური ძალების მიერ, ამიტომ მათთან შეხვედრა როგორ დამთავრდება კაცმა არ იცის. არავის არ ვურჩევ თუ დაინახავს გაიქცეს. როცა ნათელი ენერგია შემოვა ამას თქვენ თვითონ იგრძნობთ. შეიძლება ყველას ეს არ ესიამოვნოს რასაც ახლა ვიტყვი, რადგან დედამიწის გეომანტიაც იცვლება, თვითგაწმენდის რეჟიმში გადავიდა დედამიწა, რასაც შეიძლება სიკვდილიანობის გაზრდა მოჰყვეს. დედამიწის ვიბრაციული ველი იწევს ზევით, დავუშვათ თუ დედამიწის სიხშირე იყო 100 ჰერცი, წელს შეიძლება ავიდეს 200 ჰერცამდე. ადამიანი თუ წავიდა ბოროტების გზით, მისი სიხშირე ეცემა დაბლა, ამიტომ თუ არ გავუთანაბრდით დედამიწის სიხშირეს მას აქედან გაიყვანენ. საბოლოოდ აქ უნდა დარჩეს ადამიანთა ის კოჰორტა რომლის სულიც არის სუფთა და ისინი მზად იქნებიან მესამე განზომილებიდან ცნოიბიერების მეოთხე განზომილებაში გადავიდნენ. 

1771868322

„სიკვდილზეც კი აკეთებენ ჯადოს, წმინდა ტაძრიდან მოპარული სანთლებით“ - გოგა მანია

ეზოთერიკოსმა გოგა მანიამ "პრაიმ ტაიმთან" სკანდალური ინფორმაცია გაასაჯაროვა და განაცხადა, რომ ე.წ. მაგები და მკითხავები მაგიურ რიტუალებს ეკლესიიდან წამოღებული სანთლებითაც კი აკეთებენ. „ყველაზე სამწუხარო ის არის, რომ ეკლესიაშიც კი აკეთებენ მაგიას. მაგები მიდიან, იქ გამოყენებულ სანთლებს იპარავენ და იყენებენ მაგიაში. ეს არის უდიდესი ცოდვა. ვისზეც არის ნალოცი, ის ენერგიები გადმოაქვთ რიტუალებში. სიკვდილზეც კი აკეთებენ ჯადოს, წმინდა ტაძრიდან მოპარული სანთლებით, ამ სანთლებს ალღობენ, ე.წ. ბუდუს თოჯინების ფორმას აძლევენ და სიკვდილზეც კი აკეთებენ რიტუალებს, რადგან ტაძარში ნალოც სანთელს უდიდესი ძალა აქვს“, - განაცხადა გოგა მანიამ.ეზოთერიკოსმა ჩვენთან საუბარში ასევე გვირჩია, როგორ უნდა მოვიქცეთ იმ შემთხვევაში თუ სახლში ჯადოს ვიპოვით.„ხშირად მესმის, როცა სახლში ჯადოს პოულობენ ან საპირფარეშოში აგდებენ, ან მტკვარში. ეს არის ყოვლად დაუშვებელი, რადგან წყალი ენერგიას იმახსოვრებს. ჩემი რჩევა იქნება, როცა რამე საეჭვოს იპოვით არ შეეხოთ შიშველი ხელებით და არ გადააგდოთ მტკვარში. წადით ეზოთერიკოსთან ან ტაძარში. ასევე, კარგია ნაკურთხი წყლით სახლის კუთხეების დანამვა“,- განაცხადა ეზოთერიკოსმა.