პოლიტიკა • 1751431263

ნინო წილოსანი: არაა გასაკვირი, რომ გიორგი გახარიას ეშინია საზოგადოებას უთხრას რა მოხდა ჩორჩანას საგუშაგოსთან დაკავშირებით

არაა გასაკვირი, რომ გიორგი გახარიას ეშინია საზოგადოებას უთხრას რა მოხდა ჩორჩანასთან დაკავშირებით, - განაცხადა პარლამენტის ვიცე-სპიკერმა ნინო წილოსანმა.„არაა გასაკვირი, რომ გიორგი გახარიას ეშინია საზოგადოებას უთხრას რა მოხდა ჩორჩანასთან დაკავშირებით და გაგვცეს პასუხი, რომ ეს იყო [საგუშაგოს ჩადგმა] მისი უგუნურობის შედეგად ჩადენილი, თუ განზრახ გაკეთებული. ცოტა ეჭვიც მეპარება, რომ ამგვარი დიდი ბოროტება უგუნურობით, ან შემთხვევით ჩაიდინოს ადამიანმა. ველოდებით თუნდაც ონლაინფორმატში [ჩართვას], რადგან პირადად ჩამოსვლა და კომისიაზე მოსვლა ვერ გაბედა“, - აღნიშნა წილოსანმა.გიორგი გახარია საგამოძიებო კომისიაზე დღეს ქვეყანაში არ ყოფნის მიზეზით, დისტანციურად ჩაერთვება.

პოლიტიკა • 1751430862

დონალდ ტრამპი - ისრაელი დათანხმდა 60-დღიანი ცეცხლის შეწყვეტის შესახებ შეთანხმების დასასრულებლად აუცილებელ პირობებს, იმედი მაქვს, „ჰამასი“ მიიღებს ამ შეთანხმებას

ისრაელი დათანხმდა „აუცილებელ პირობებს“ ღაზის სექტორში 60-დღიანი ცეცხლის შეწყვეტის დასასრულებლად, – ამის შესახებ აშშ-ის პრეზიდენტი დონალდ ტრამპი სოციალურ ქსელში წერს.როგორც ტრამპი აღნიშნავს, საბოლოო წინადადებას კატარი და ეგვიპტე წარმოადგენენ და იმედოვნებს, რომ „ჰამასი“ ამ შეთანხმებას დათანხმდება.„ღაზის სექტორთან დაკავშირებით დღეს ჩემს წარმომადგენლებს ისრაელელებთან ხანგრძლივი და პროდუქტიული შეხვედრა ჰქონდათ. ისრაელი დათანხმდა 60-დღიანი ცეცხლის შეწყვეტის შესახებ  შეთანხმების დასასრულებლად აუცილებელ პირობებს, რაზეც ჩვენ ყველა მხარესთან ვიმუშავებთ. კატარი და ეგვიპტე, რომელთაც ძალიან ბევრი იშრომეს მშვიდობის დამყარებისთვის, წარმოადგენენ ამ საბოლოო წინადადებას. ახლო აღმოსავლეთის საკეთილდღეოდ, იმედი მაქვს, რომ „ჰამასი“ მიიღებს ამ შეთანხმებას, რადგან ის არ გაუმჯობესდება, ის მხოლოდ გაუარესდება“, – წერს დონალდ ტრამპი.

პოლიტიკა • 1751430476

პარლამენტი უკანონო მიგრაციასთან დაკავშირებულ კანონს დღეს დაამტკიცებს

უკანონო მიგრაციის წინააღმდეგ ბრძოლის ფარგლებში, ცვლილებები შედის „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ კანონში, რომელსაც პარლამენტი დღეს დაამტკიცებს.კანონპროექტით განისაზღვრება არალეგალური მიგრაციის გამოვლენის მიზნით საცხოვრებელი ან სამუშაო ადგილის ან სხვა კერძო საკუთრების/მფლობელობის შემოწმების წესი. კანონს ემატება მუხლი, რომლის თანახმად, საქართველოში კანონიერი საფუძვლის გარეშე მყოფი უცხოელის გამოვლენის ან/და უცხოელის საცხოვრებელი ადგილის გადამოწმების ან უცხოელის სამგზავრო დოკუმენტის მოძიების მიზნით, შინაგან საქმეთა სამინისტროს უფლებამოსილ ორგანოს შესაძლებლობა ექნება შეამოწმოს უცხოელის საცხოვრებელი ან სამუშაო ადგილი ან შევიდეს სხვაგვარ კერძო საკუთრებაში თუ მფლობელობაში რაიონული ან საქალაქო სასამართლოს მოსამართლის შესაბამისი ბრძანების საფუძველზე.გარდა ამისა, უცხოელის საცხოვრებელი ან სამუშაო ადგილის შემოწმების დროს პოლიცია უფლებამოსილი იქნება გამოკითხოს პიროვნება, მოახდინოს მისი იდენტიფიკაცია, ჩაატაროს ზედაპირული შემოწმება და დათვალიერება. მმართველ გუნდში განმარტავენ, რომ აღნიშნული ცვლილებები ქვეყანაში მიგრანტების ზრდამ განაპირობა.

პოლიტიკა • 1751430365

გიორგი ვოლსკი: კანონის ტოტალური გამკაცრებაა საჭირო ნარკოტიკის შენახვის, გავრცელების და აქედან ფინანსური მოგების მიღების საკითხებზე

კანონის ტოტალური გამკაცრებაა საჭირო ნარკოტიკის შენახვის, გავრცელების და აქედან ფინანსური მოგების მიღების საკითხებზე, - განაცხადა პარლამენტის ვიცე-სპიკერმა გიორგი ვოლსკიმ ნარკოპოლიტიკის გამკაცრებაზე საუბრისას.„რატომღაც ისეთი მოსაზრებაა გავრცელებული, თითქოს მარიხუანა იმ დონის ნარკოტიკი არ არის, რომელმაც შეიძლება ადამიანის ჯანმრთელობა დააზიანოს. მეცნიერულადაა დადასტურებული, რომ სხვა ნარკოტიკზე ნაკლები ზემოქმედება არ აქვს ადამიანის ჯანმრთელოაბზე. კანონის ტოტალური გამკაცრებაა საჭირო ნარკოტიკის შენახვის, გავრცელების და აქედან ფინანსური მოგების მიღების საკითხებზე“, - აღნიშნა ვოლსკიმ.ნარკოპოლიტიკის გამკაცრებასთან დაკავშირებულ ცვლილებებს პარლამენტი დღეს დაამტკიცებს.

პოლიტიკა • 1751430225

ზაზა ლომინაძე: ჩვენი მიზანია, რომ მივაღწიოთ იმას, რომ ჩვენი მომავალი თაობები შორს იყოს ნარკოდამოკიდებულებისგან

 ჩვენი მიზანია, რომ მივაღწიოთ იმას, რომ ჩვენი მომავალი თაობები შორს იყოს ნარკოდამოკიდებულებისგან, - განაცხადა ჯანმრთელობის დაცვისა და სოციალურ საკითხთა კომიტეტის თავმჯდომარემ ზაზა ლომინაძემ.„პირველი და უმთავრესი არის რომ სახელმწიფო სრულად იღებს პასუხისმგებლობას ყველა ჩანაცვლებით თერაპიაზე. იქნება უფასო ეს პროგრამები. დაახლოებით ათას ლარამდე უწევდათ [გადახდა] ბუპრენოფრინის [მეტადონის] პროგრამაში, გააჩნია რა დოზა იყო. ჩვენი მიზანია, რომ მივაღწიოთ იმას, რომ ჩვენი მომავალი თაობები შორს იყოს ნარკოდამოკიდებულებისგან, გამოჯანმრთელდნენ ამ სნეულებისგან“, - აღნიშნა ლომინაძემ.ნარკოპოლიტიკის გამკაცრებასთან დაკავშირებულ ცვლილებებს პარლამენტი დღეს დაამტკიცებს.