დონალდ ტრამპმა სუნამო გამოუშვა

აშშ-ის პრეზიდენტმა დონალდ ტრამპმა სუნამოს გაყიდვა დაიწყო. თეთრი სახლის ლიდერმა წარადგინა სუნამო სახელწოდებით Victory 45-47, რაც მისი ორი საპრეზიდენტო ვადის (45 და 47) სიმბოლოა.

„ეს არომატები წარმოადგენს გამარჯვებას, ძალას და წარმატებას - როგორც მამაკაცებისთვის, ასევე ქალებისთვის. იყიდეთ ფლაკონი საკუთარი თავისთვის და არ დაგავიწყდეთ საყვარელი ადამიანებისთვისაც ყიდვა. დატკბით, ისიამოვნეთ და განაგრძეთ გამარჯვება!“ - დაწერა ტრამპმა საკუთარ სოციალურ ქსელში Truth Social.

სუნამოს ღირებულება 249 დოლარს შეადგენს. ქანდაკების ფორმის ფლაკონი კი ვარდისფერი ოქროსგან არის დამზადებული.