რატომ არის თვითმფრინავების უმეტესობა თეთრად შეღებილი?

საღებავის თეთრი ფერი ფულს ზოგავს! ფრენის დროს, თვითმფრინავები ცხელდებიან მზისა და ბორტზე არსებული მრავალი ტექნიკური მოწყობილობის გამო. რაც უფრო თბილია თვითმფრინავი, მით მეტი ენერგია უნდა დაიხარჯოს გაგრილებაზე. ეს ნიშნავს: მეტი საწვავის მოხმარებასა და მეტ ხარჯს. ინფორმაციას Bild-ი ავრცელებს.

საღებავის მუქი საფარი პრობლემას მხოლოდ გააუარესებს, რადგან მუქი ფერი მზის სხივებს მაგნიტივით იზიდავს. შედეგი: კიდევ უფრო მეტი ძალისხმევა თვითმფრინავის გაგრილებაზე, რაც კიდევ უფრო დიდ ხარჯებს უდრის.

სწორედ ამიტომ ირჩევენ ავიაკომპანიები თეთრ ფერს. საღებავი ისხლეტს მზის სხივებს და ინარჩუნებს თვითმფრინავს უფრო გრილად. ეს საშუალებას იძლევა, საწვავის მოხმარება ნორმის ფარგლებს არ გასცდეს და ხარჯები გაკონტროლდეს. ამიტომ, ავიაკომპანიების უმეტესობა მუქ საღებავს არ იყენებს.