მეცნიერებმა სეისმური ტალღების უჩვეულო აჩქარება დააფიქსირეს - რას წერენ გეოლოგები იდუმალ პროცესზე

NASA საგანგებო მზადყოფნაში იმყოფება დედამიწის მაგნიტური ველის ანომალური დეფორმაციის გამო. ამის შესახებ  ECONews-ი წერს. მედიის ცნობით, დეფორმაცია საფრთხეს უქმნის კოსმოსურ აპარატებს, სატელიტებს და ელექტრონულ სისტემებს ორბიტაზე. ამასთან აღნიშნულია, რომ ეს ანომალია პირდაპირ საფრთხეს არ უქმნის ადამიანების სიცოცხლეს დედამიწის ზედაპირზე — ზეგავლენა ძირითადად კოსმოსურ სივრცეს შეეხება.

NASA-ს მეცნიერების მოსაზრებით, უკვე შეინიშნება ნიშნები იმისა, რომ სამხრეთ-ატლანტიკური მაგნიტური ანომალია (ЮАМА) არა მხოლოდ ფართოვდება, არამედ შესაძლოა, უახლოვდებოდეს ჩრდილოეთ ამერიკას. ამ ანომალიის ზონა მოიცავს სამხრეთ ამერიკის, სამხრეთ-დასავლეთ აფრიკის და სამხრეთ ატლანტიკის ნაწილებს. აღნიშნულ რეგიონში დედამიწის მაგნიტური ფარი სუსტდება და ნაკლებად იცავს კოსმოსურ ტექნიკას მზის მაღალი ენერგიის ნაწილაკებისგან. შედეგად, დედამიწის ორბიტაზე მოძრავი მოწყობილობებისთვის (მათ შორის, სატელიტებისა და საერთაშორისო კოსმოსური სადგურისთვის) იზრდება რადიაციული ზემოქმედების და ტექნიკური ხარვეზების რისკი.

მანამდე მეცნიერებმა დააფიქსირეს სეისმური ტალღების უჩვეულო აჩქარება დედამიწის ზედაპირიდან დაახლოებით 2700 კმ სიღრმეზე. კვლევა, რომელსაც იაპონელი გეოლოგი მოტოჰიკო მურაკამი ხელმძღვანელობდა, ნათელს ჰფენს ამ იდუმალ პროცესს.

ლაბორატორიულმა ექსპერიმენტებმა და კომპიუტერულმა სიმულაციებმა აჩვენა, რომ ამ ანომალიაში განსაკუთრებული როლი აქვს მინერალ პეროვსკიტის დეფორმაციას. როდესაც ის ღრმა კონვექციური პროცესების შედეგად გარკვეული მიმართულებით იცვლება და სწორდება, მას შეუძლია მნიშვნელოვნად იმოქმედოს სეისმურ ტალღებზე.