„ზღაპრული გოგოები...“ - მაკა ასათიანის შვილიშვილის, უსაყვარლესი ლეას ფოტოები დედასთან ერთად

მაკა ასათიანი ჩვენი დროის ერთ-ერთი ულამაზესი ქართველი ქალია. დიზაინერი და ტელეკომპანია "მაესტროს" ყოფილი მფლობელი ამჟამად შვეიცარიაში ცხოვრობს ოჯახთან ერთად. ის ყოველთვის საზოგადოების ყურადღების ცენტრში იყო. მის ცხოვრებაში წარმატებასთან და ბედნიერ ამბებთან ერთად, ტკივილიც ბევრი იყო, მოუკლეს მამა - ცნობილი ფეხბურთელი და ბიზნესმენი კახი ასათიანი:

2002 წლის 20 ნოემბერს, საღამოს 7 საათზე, კახი ასათიანის მანქანა ვაკეში, ირაკლი აბაშიძის ქუჩაზე, პარლამენტარ ნანა ბიჭიაშვილის (ასათიანის ცოლისდა) სახლთან გაჩერდა. მძღოლი მანქანიდან ბიჭიაშვილების ოჯახისთვის მოსაწვევების გადასაცემად გადავიდა. რამდენიმე წუთში მანქანაში დარჩენილ კახი ასათიანს უცნობი ახალგაზრდა მიუახლოვდა და მაყუჩიანი ავტომატური ცეცხლსასროლი იარაღით ცეცხლი გაუხსნა. 16 ტყვიიდან მსხვერპლს მხოლოდ 7 მოხვდა. ასათიანი მაშინვე გარდაიცვალა.

საკმაოდ სკანდალური იყო მისი პირველი ქორწინება მერაბ ჟორდანიასთან, რომელთანაც 2 ვაჟი ჰყავს.

ამჟამად მისი მეუღლე კოტე გოგელიაა. იგი ყოფილი „მხედრიონელი“, ე.წ. ვერის საძმოს წევრი იყო. ამ პერიოდში წამოიწყო მან საქართველოში ნავთობის ბიზნესი. საქართველოდან კოტე გოგელია რუსეთში წავიდა, სადაც კაპიტალის დაგროვებას შეუდგა. ამჟამად კოტე გოგელია ფლობს კომპანია “პროგერტას”, რომლის ტერმინალები ნოვოროსიისკში მდებარეობს.

მაკა ასათიანის უფროსი ვაჟი კახი ჟორდანია და მისი რჩეული ნანიკო კლდიაშვილი 2017 წლის სექტემბერში დაქორწინდნენ. როგორც ცნობილია, ნანიკოს წარმატებული სამოდელო კარიერა აქვს და მას არაერთ მნიშვნელოვან ჩვენებაში მიუღია მონაწილეობა.

წყვილს პირველი შვილი 2020 წლის 14 თებერვალს შეეძინა. ნანიკომ შვეიცარიის ერთ-ერთ კლინიკაში იმშობიარა. ახალშობილს ლეა დაარქვეს. ამჯერად ნანიკო პატარა ლეას ფოტოს აქვეყნებს.