„ყველა ჩემი მეგობარი შოკოლადებს ყიდულობდა და მე ფული რომ არ მქონდა რას ვიზამდი...“ - ანასტასია ბენდუქიძის გულახდილი ინტერვიუ ბავშვობაზე

კახა ბენდუქიძის ქალიშვილი ანასტასია ბენდუქიძე ტელეკომპანია „ფორმულას“ ეთერში ბავშვობას იხსენებს.

მისი თქმით, კახა ბენდუქიძე საკმაოდ მკაცრი მამა იყო.

„მე ვარ ანასტაცია ბენდუქიძე “ცოდნის ფონდის” პარტნიორი და დირექტორი. სხვა სამსახურია ის, რომ ვარ კახა ბენდუქიძის შვილი.

კახა მკაცრი მამა იყო. ფულს საერთოდ არ მაძლევდა და ამიტომ 14 წლის ასაკში დიდ ბრიტანეთში ოდნავ არალეგალური საქმე მქონდა, რადგან სადაც ვცხოვრობდი ვყიდულობდი სიგარეტს, იმიტომ რომ იქ იაფი იყო და შემდეგ დიდ ბრიტანეთში სამჯერ ძვირად ვყიდდი. ფული მართლა არ მქონდა. ყველა ჩემი მეგობარი შოკოლადებს ყიდულობდა და მე ფული რომ არ მქონდა რას ვიზამდი, მეც მინდოდა“, – ამბობს ანასტასია ბენდუქიძე.