„გული ბევრ რამეზე მწყდება...“ - სანდრო შელია თათა შარანგიასთან დაშორების მიზეზებზე საუბრობს

რამ­დე­ნი­მე თვის წინ, ცნო­ბი­ლი გახ­და, რომ თა­თია შა­რან­გი­ა­სა და სან­დრო შე­ლი­ას ოჯა­ხი და­ინ­გრა. და­შო­რე­ბის შე­სა­ხებ პირ­ვე­ლად სო­ცი­ა­ლურ ქსელ­ში ბიზ­ნეს­მენ­მა და­წე­რა. შე­ლია წერ­და, რომ მძი­მე იყო 10 წლი­ა­ნი ურ­თი­ერ­თო­ბის დას­რუ­ლე­ბა, თუმ­ცა ეს იყო გა­აზ­რე­ბუ­ლი გა­და­წყვე­ტი­ლე­ბა. მოგ­ვი­ა­ნე­ბით და­შო­რე­ბის შე­სა­ხებ ინ­ფორ­მა­ცია თათიამაც და­ა­დას­ტუ­რა.

„მე ვფიქრობ, გული ადამიანს შეიძლება მხოლოდ საკუთარ მოქმედებებზე, გადაწყვეტილებებზე დაგწყდეს, იმაზე, რასაც პირადად შენ აკონტროლებ. ამ მხრივ, კი, გული ბევრ რამეზე მწყდება, რაც შეიძლება უკეთ გამეკეთებინა, მეტად მომესმინა, თუნდაც მეტი მემუშავა პირად ურთიერთობებსა თუ საქმესთან დაკავშირებით. როდესაც ვიღაც გულს გწყვეტს, დასკვნები უნდა გამოიტანო, გაკვეთილად უნდა მიიღო და ცხოვრება გააგრძელო“,- ამბობს სანდრო შელია.

ამ დროისთვის თათია შარანგიას ახალი რჩეული ჰყავს. პიანისტის გვერდით ახლა ჯარჯი თორაძეა. 

„ჩემო უსაყვარლესო მაყურებლებო, მეგობრებო, მინდა გაგაცნოთ ჩემთვის უსაყვარლესი ადამიანი, ჩემი, ანუ ჩვენი “სთორი”ს N 1 გულშემატკივარი, ადამიანი რომლითაც ღმერთმა დამაჯილდოვა. გიზიარებთ ჩემს სიხარულს და გიგზავნით სიყვარულის ტალღებს. მუდამ იბრძოლეთ თქვენი ბედნიერებისთვის“,- დაწერა ცოტა ხნის წინ თათია შარანგიამ და საზოგადოებას ჯარჯისთან ერთად ყოფნა ოფიციალურად დაუდასტურა. 

რაც შეეხება სანდრო შელიას, იგი ამბობს, რომ დაშორების შემდეგ მას მეუღლესთან კონტაქტი არ შეუწყვეტია. 

„ედუ და სანი ყოველთვის დარჩებიან ჩემს ბიჭებად, ამას არაფერი შეცვლის. ასევე არაფერი შეცვლის ჩემს მეგობრობას ყოფილი მეუღლის ოჯახის წევრებთან, რომლებიც ჩემთვის ძალიან ახლობლები არიან. არავითარი ბარიერები აქ არ არსებობს“,- ამბობს სანდრო „თბილისელებთან“.