ჩვენს დღევანდელობაში ისეთი ჯადო აქვს პრეზიდენტის სავარძელს, რომ სალომე ზურაბიშვილის ხელმეორედ იმპიჩმენტს მნიშვნელოვანი როლი ენიჭება - იმპიჩმენტი ძალიან მცირეა იმ ღალატის შესაფასებლად, რასაც ის სჩადის - ნინო ფოჩხუა

ჩვენს დღევანდელობაში ისეთი ჯადო აქვს პრეზიდენტის სავარძელს, რომ სალომე ზურაბიშვილის ხელმეორედ დაიმპიჩმენტებას მნიშვნელოვანი როლი ენიჭება. ეს იქნება პრეცედენტი, რომ მომავალში არ მოხდეს მსგავსი ქმედებები ახლად არჩეული პრეზიდენტების მიერ, - ასე ეხმიანება ექსპერტი ნინო ფოჩხუა, პარლამენტის თავმჯდომარე შალვა პაპუაშვილის განცხადებას იმის შესახებ, რომ მმართველმა გუნდმა, ზურაბიშვილის წინააღმდეგ იმპიჩმენტის პროცედურის ხელახლა აღძვრის გადაწყვეტილება მიიღო.

როგორც ფოჩხუა აცხადებს, ზურაბიშვილი სისხლის სამართლის დამნაშავეა და იმპიჩმენტი მცირეა იმ ღალატის შესაფასებლად, რასაც ის სჩადის.

“ჩვენს დღევანდელობაში ისეთი ჯადო აქვს პრეზიდენტის სავარძელს, რომ სალომე ზურაბიშვილის ხელმეორედ დაიმპიჩმენტებას მნიშვნელოვანი როლი ენიჭება. ეს იქნება პრეცედენტი, რომ მომავალში არ მოხდეს მსგავსი ქმედებები ახლად არჩეული პრეზიდენტების მიერ.

იმპიჩმენტი ძალიან მცირეა იმ ღალატის შესაფასებლად, რასაც სჩადის ეს ქალი. სალომე ზურაბიშვილი არის სისხლის სამართლის დამნაშავე, მოვა დრო და ახალი პარლამენტი, მისი იურისტები მის დანაშაულს შესაბამის კვალიფიკაციას მიანიჭებენ,“ - წერს ნინო ფოჩხუა Facebook-ზე.