ვინ არის პირველი  ქართველი მოფარიკავე, რომელმაც მსოფლიო თასი მოიგო

მოფარიკავე სანდრო ბაზაძემ მსოფლიო თასი მოიგო.

სანდრო ბაზაძე ისტორიაში პირველი ქართველი მოფარიკავე გახდა, რომელმაც მსოფლიო თასი მოიგო.

28 წლის ბაზაძემ საწყის ორთაბრძოლაში რუსი ოლეგ პეტროვსკი (15:8) დაამარცხა, შემდეგ კი, უნგრელი ჩანად გემეში (15:10), სამხრეთკორეელი ჯუნჰო კიმი (15:7) და იტალიელი ჯოვანი რეპეტიც (15:10) დაჯაბნა. ნახევარფინალში სანდრომ ფრანგ ბოლად აპიტის 15:10 სძლია. გადამწყვეტი ის მომენტი გამოდგა, როდესაც სანდრომ 5:6-ზე ზედიზედ 6 წარმატებული ჩხვლეტა განახორციელა.

მას აქტივში უკვე ჰქონდა ვერცხლისა და ბრინჯაოს მედლები, ოქრო კი პირველად მოიპოვა და ისტორიული შედეგი დააფიქსირა.