მარნეულელი მშვილდოსანი გოგონა მირანდა საგინაძე საქართველოს თასის გათამაშების ვიცე ჩემპიონია

ქალაქ ბათუმში, ანგისის მშვილდოსნობის სასროლეთზე, გაიმართა საქართველოს ახალგაზრდული თასის გათამაშების პირველი ეტაპი მშვილდოსნობაში. 

ტურნირზე წარმატებით იასპარეზა მარნეულის მუნიციპალიტეტის სპორტული სკოლის მშვილდოსანმა, მირანდა საგინაძემ  და 21 წლამდე ასაკობრივ კატეგორიაში  ვერცხლის მედალი მოიპოვა.  შეჯიბრება იყო პირადი და ჩატარდა მხოლოდ "კლასიკური მშვილდის" ორ ასაკობრივ კატეგორიაში, 18 წლამდე და 21 წლამდე გოგონებსა და ვაჟებში.