კვარაცხელიას შედევრი - ლუის ენრიკეს როტაცია ძვირად დაუჯდა

ხვიჩა კვარაცხელიამ საფრანგეთის ლიგა 1-ში „ლიონს“ გაუტანა, თუმცა „პარი სენ-ჟერმენმა“ ერთ-ერთ ლიდერთან საშინაო შეხვედრა მაინც დათმო – 1:2.

საფრანგეთის ჩემპიონატის 30-ე ტურში ლუის ენრიკემ გუნდის შემადგენლობა გადაახალისა და რამდენიმე ლიდერი დაასვენა, მათ შორის ხვიჩა კვარაცხელიაც. ეს პსჟ-ის თამაშს აშკარად დაეტყო – უკვე პირველ ტაიმში „ლიონი“ აფონსო მორეირას (მე-7 წუთი) და ენდრიკის (18-ე წუთი) გოლებით დაწინაურდა.

კვარაცხელია მოედანზე 58-ე წუთზე, უსმან დემბელესა და კან-ინ ლისთან ერთად შევიდა, რის შემდეგაც პარიზელების შეტევა გააქტიურდა – გუნდმა ტემპს მოუმატა, შექმნა რამდენიმე სახიფათო მომენტი და მსაჯის მიერ კომპენსირებულ მე-4 წუთზე ქართველმა ფეხბურთელმა გაიტანა.

პსჟ-ს ლიგა 1-ში ჩატარებული 30 ტურის შემდეგ 63 ქულა აქვს და პირველ ადგილზეა. გარდა ამისა, პარიზელებს „ნანტთან“ გამოტოვებული მატჩი აქვთ ჩასატარებელი. კვარაცხელიას აქტივში კი ლიგა 1-ში 5 გოლი და 4 საგოლე გადაცემაა