კვარა შეუდარებელია - ნახეთ როგორი პოსტერი მიუძღვნა იტალიურმა გამოცემამ ქართველ ფეხბურთელს

იტალიური მედია ქართველი ფეხბურთელის, ხვიჩა კვარაცხელიას ბრწყინვალე თამაშის შესახებ აქტიურად წერს.

„ქართველი ფეხბურთელის ხვიჩა კვარაცხელიას საოცარმა თამაშმა ნაპოლის გუნდს უკვე მეორედ მოუტანა გამარჯვება ჩემპიონატში. ახალგაზრდა ფეხბურთელის გატანილმა პირველმა გოლმა, მისი წინამორბედის, ლორენცო ინსინიეს საფირმო სტილი გაგვახსენა. თავისუფლად შეიძლება ითქვას, რომ ახლა ნაპოლში კვარომანიაა“, - წერს Corriere dello Sport-ი.

ნაპოლში, დიეგო მარადონას სახელობის სტადიონზე, „ნაპოლი“ - „მონცას“ დაპირისპირებისას, ქართველმა ფეხბურთელმა მოწინააღმდეგის კარში ორი გოლი გაიტანა.