კვარა ძირითად შემადგენლობაშია - რა თქვა მატჩამდე „ლივერპულის“ მწვრთნელმა ქართველ ფეხბურთელზე

ჩემპიონთა ლიგის პირველ მერვედფინალურ მატჩში „პარი სენ-ჟერმენი“ „ლივერპულს“ უმასპინძლებს. 

მატჩამდე რამდენიმე საათით ადრე, ჟურნალისტებმა „ლივერპულის“ მთავარ მწვრთნელს არნე სლოტს კვარაცხელიას მიმართ ინტერესზე ჰკითხეს.

„ინგლისში ხალხი ამბობს, რომ ჩვენ ყველა ფეხბურთელის ყიდვა გვინდა. ვერ გეტყვით, ხვიჩათი დაინტერესებული ვიყავით თუ არა, მაგრამ გეტყვით, რომ დიდებული ფეხბურთელია. ძალიან მომწონდა ის „ნაპოლი“, რომელშიც კვარა თამაშობდა“, - განუცხადა არნე სლოტმა მედიას.

ხვიჩა კვარაცხელია ჩემპიონთა ლიგაზე ლივერპულთან მატჩს სასტარტო შემადგენლობიდან იწყებს.

„პსჟ“ - „ლივერპულის“ დაპირისპირება თბილისის დროით 00:00 საათზე დაიწყება.