გიორგი ჩაკვეტაძე ჩემპიონშიფის საუკეთესო მოთამაშეთა ათეულშია

ჩემპიონშიფის საშემოდგომო ეტაპის დასრულებამდე ერთი ტურია დარჩენილი, „უოტფორდის“ ლეგიონერი გიორგი ჩაკვეტაძე კი ლიგის საუკეთესო მოთამაშეთა ათეულშია.

ანალიტიკური ინტერნეტ-სააგენტო Sofascore, რომელიც მოთამაშეთა რეიტინგებს მუდმივად ანახლებს, ჩაკვეტაძის თამაშს საშუალოდ 7,25 ქულით აფასებს. ამ მაჩვენებლით „უოტფორდის“ ქართველი შემტევი ჩემპიონშიფის საუკეთესო მოთამაშეთა ათეულშია (მე-8 ადგილზე).

მას შემდეგ, რაც Football League World-მა გაავრცელა ინფორმაცია, რომ ქართველი ფეხბურთელით ინგლისის პრემიერლიგის კლუბები, „ევერტონი“, „ლესტერი“ და „ვულვერჰემპტონი“ დაინტერესდნენ, კლუბი მის საფასურად 20 მილიონ გირვანქა სტერლინგს ითხოვს.

გიორგი ჩაკვეტაძე გულშემატკივრებსა და მედიაში დიდი ინტერესს იწვევს:

Express FM – „უოტფორდის“ ფეხბურთელი, ჩაკვეტაძე ის მოთამაშეა, ვინც ყველა გუნდს შეტევაში თამამად წაიყვანს.

HornetTalkPod – ქართველ შემტევი ნახევარმცველის გიორგი ჩაკვეტაძის თამაშის თვალის დევნება ნამდვილად ღირს.

SkyBetChamp (ჩემპიონშიფის პარტნიორი მედია-საშუალება) – „უოტფორდის“ ნახევარმცველმა გიორგი ჩაკვეტაძემ ამ სეზონში თამაშიდან ლიგის ნებისმიერ სხვა ფეხბურთელზე მეტი საგოლე სიტუაცია შექმნა. დრიბლინგების რაოდენობით კი მეორე ადგილზეა – დაუფასებელი ფეხბურთელია.