„ბუდუმ აირჩია ბუნდესლიგა!“ - ფეხბურთელის ახალი კლუბი ცნობილია

ბუდუ ზივზივაძე კარიერას ბუნდესლიგაში გააგრძელებს, – ინფორმაციას ფეხბურთელის მამა, კახა ზივზივაძე სოციალურ ქსელში ავრცელებს.

„პირველ რიგში, ბედობას გილოცავთ მეგობრებო! იყო ჩინური, ასევე კორეული გამოწვევები! დავდექით დილემის წინაშე: ფული თუ ფეხბურთი? ბუდუ ირჩევს ფეხბურთს, მივდივართ ბუნდესლიგაში! ბუდუმ აირჩია ბუნდესლიგა! მადლობა კარლსრუეს! მადლობა მენეჯერებს, მადლობა საქართველო, მადლობა გია ცეცაძეს, თეიმურაზ ლორთქიფანიძეს, მამუკა ხუნდაძეს, ბუდუს გამოწვრთვნისა და სიყვარულისთვის!!! ჩვენ თქვენთანა ვართ!!! წინ დიდი ბრძოლებია!“ - წერს კახა ზივზივაძე სოციალურ ქსელში.

Geo Team-ის ინფორმაციით, ქართველი ფეხბურთელის ახალი კლუბი „ჰაიდენჰეიმია“.

ბუდუ უკვე გერმანიაშია და ახალ კლუბთან კონტრაქტის გასაფორმებლად ჰაიდენჰეიმში ხვალ გაემგზავრება.