„ავტობუსით ჩამოვიდნენ მაკედონიამდე, ერთი წამით არ გაჩერებულან... მთელ სტადიონზე ისმოდა საქართველო! - ემოციური პოსტი ქომაგებზე

რევანში აღებულია! საქართველოს ნაკრებმა ჩრდ.მაკედონია დაამარცხა.

მეორე ტაიმის დასაწყისში საქართველოს ნაკრების შეტევები მეტად გამწვავდა, დავითაშვილისა და ხოჭოლავას თაური დარტყმების შემდეგ ბურთი ოდნავ ასცდა მეტოქის კარს. 52-ე წუთზე ბუდუ წიტაიშვილმა უზუსტესი პასი შეასრულა ბუდუ ზივზივაძის მისამართით, რომელმაც ერთი შეხედვით ზუსტად დაარტყა და 1:0 საქართველოს სასარგებლოდ.

პირველი გოლიდან ზუსტად 10 წუთში ხვიჩა კვარაცხელიამ საქართველოს ნაკრების ისტორიაში ერთ-ერთი საუკეთესო გოლი გაიტანა.

მესამე გოლი დამუშავებულ ჯარიმას მოჰყვა – კვეკვესკირის ჩაწოდებას საჭირო ადგილას დახვდა კიტეიშვილი და 3:0 საქართველოს სასარგებლოდ.

Marketer.ge-ზე საქართველოს ნაკრების ქომაგებზე ემოციური პოსტი გავრცელდა, რომელსაც უცვლელად გთავაზობთ:

„მადლობა ეროვნული ნაკრების თითოეულ წევრს და ეს რა ვნახეთ ხალხო, ქედს და ქუდს ვიხდით ჩვენი ქომაგების წინაშე. ეს ცალკე თამაში იყო, რომელიც საქართველომ 90 წუთი მოიგო! ავტობუსით ჩამოვიდნენ მაკედონიამდე და 1 წამით არ გაჩერებულან! მთელ სტადიონზე ისმოდა საქართველო!!!! უდიდესი მადლობა ამ ემოციისთვის“.

ნახეთ ვიდეო⇓