21-წლამდელთა ნაკრები სერბეთს დაუპირისპირდება, 19-წლამდელები - მონტენეგროს

25 მარტს საქართველოს 21-წლამდე ნაკრები თურქულ შეკრებაზე მეორე მატჩს გამართავს, სადაც ალეკსანდრ კოლაროვის გაწვრთნილ სერბეთის ახალგაზრდულ ნაკრებს დაუპირისპირდება.

პირველ ტესტ-მატჩში, ახალგაზრდულმა, ჩვენი გუნდის მსგავსად ევროპის ჩემპიონატის მონაწილე ფინეთი უხვგოლიან დაპირისპირებაში 4:2 დაამარცხა. გოლები საბა ხვადაგიანმა, საბა მამაცაშვილმა, ოთო და გიზი მამაგეიშვილებმა გაიტანეს.

საქართველოსა და სერბეთის შეხვედრა 25 მარტს ანტალიაში 17:00 საათზე დაიწყება. მატჩის პირდაპირ რეპორტაჟს, საქართველოს ფეხბურთის ფედერაცია შემოგთავაზებთ.

***

ელიტ-რაუნდში კი საქართველოს 19-წლამდელთა ნაკრები გადამწყვეტ შეხვედრას მონტენეგროსთან გამართავს. ორი ტურის შემდეგ ჩვენი გუნდი 3 ქულით მესამე ადგილზეა, მაგრამ ევროპის ჩემპიონატის ფინალურ ეტაპზე გასვლის შანსს ინარჩუნებს. საქართველო – მონტენეგროს შეხვედრის პირდაპირ ტრანსლაციას „პირველი არხი სპორტი“ 18:50 საათიდან შემოგთავაზებთ.

ევრო 2025 U19. ელიტ რაუნდი

18:50. ფეხბურთი. საქართველო – მონტენეგრო