ზაკ ბრაფი „კლინიკაში“ დაბრუნდება

ზაკ ბრაფი „კლინიკის“ გაგრძელებაში ჯეი დის როლს დაუბრუნდება.

Deadline-ის ცნობით, მსახიობმა უკვე მოაწერა ხელი კონტრაქტს, თუმცა ამას წინ მრავალთვიანი მოლაპარაკებები უძღოდა.

მოსალოდნელია, რომ ახლა 20th Television გაგრძელებაში მონაწილეობაზე სერიალის სხვა ვარსკვლავებსაც დაიყოლიებს - დონალდ ფეისონს, სარა ჩოკს, ჯონ კეი მაკგინლის და ჯუდი რეიესს.

კლინიკის გაგრძელებაზე, რომელიც ერთდროულად მისი გადატვირთვაც იქნება, ტელეკომპანია ABC მუშაობს.

ამერიკული კომედიურ-დრამატული სერიალი კლინიკა ახალგაზრდა ექიმების შესახებ მოგვითხრობდა. პროექტი ბილ ლოურენსმა შექმნა. სერიალის პრემიერა 2001 წლის ოქტომბერში NBC- ზე შედგა.