ყვარელში სასწრაფო-სამედიცინო დახმარების ექიმი და ექთანი ავარიისას მძიმედ დაშავდნენ

ყვარლის სასწრაფო-სამედიცინო დახმარების ექიმი და ექთანი ავარიისას მძიმედ დაშავდნენ. შემთხვევა ცოტა ხნის წინ, სოფელ წიწკანაანთსერში მოხდა.

შეჯახების შედეგად, ორივე მანქანა გზის სავალი ნაწილიდან გადავარდა და ამოტრიალდა.

ავარიის შედეგად, სულ ოთხი ადამიანი დაშავდა, მათგან მძიმეა ექიმის და ექთნის ჯანმრთელობის მდგომარეობა.

დაშავებულები თელავის რეფერალურ საავადმყოფოში გადაიყვანეს.

შემთხვევის ადგილზე, ამ წუთებში სამართალდამცველები მუშაობენ.