ცნობილია, რა გახდა იტალიაში ქართველი ემიგრანტის გარდაცვალების მიზეზი

იტალიაში ქართველი ემიგრანტის გარდაცვალების მიზეზად ბუნებრივი აირის გაჟონვა სახელდება.

შემთხვევა მილანში, ბერგამოში გუშინ მოხდა. 33 წლის ონისე ქობალია კიდევ 3 პირთან ერთად იმყოფებოდა. როგორც ახლობლები ამბობენ, ერთ-ერთ სახლში რემონტს აკეთებდნენ. 

გარდაცვლილს ახლობლები ემშვიდობებიან.

„ჩემი საყვარელი ონისე. ძალიან კარგი ადამიანი. უწყინარი. კარგი აღზრდილი. მართლა რომ დაგენანება და გულს და სულს რომ აგიწვავს“;

„ძალიან დამწყდა გული... დედაშენს, ბებიას ეს აკლდა ახლა. ცხოვრებას ახლა იწყებდი... გამძლეობა ოჯახს, უფალმა ნათელში გამყოფოს უბოროტო, უთბილესო ბიჭო“ - წერენ სოციალურ ქსელში.