ტრაგიკული შემთხვევის დეტალები - პოლონეთში, სამხედრო თვითმფრინავმა კატასტროფა განიცადა - პილოტი ადგილზე დაიღუპა

პოლონეთის ქალაქ რადომში F-16 ტიპის სამხედრო თვითმფრინავმა, რომელიც პოლონეთის საჰაერო ძალებს ეკუთვნოდა, კატასტროფა განიცადა. ინფორმაციას პოლონეთის მთავრობის წარმომადგენელი ადამ შლაპკა ავრცელებს.

ტრაგიკული შემთხვევა საავიაციო გამოფენისთვის მზადების დროს მოხდა. გამოფენა 30-31 აგვისტოს უნდა ჩატარებულიყო.

„სამწუხაროდ, პილოტი დაიღუპა. თავდაცვის მინისტრი ვლადისლავ კოსინიაკ-კამიში უკვე ესაუბრა პრემიერ-მინისტრს და ახლა კატასტროფის ადგილისკენ მიემართება“, - დაწერა შლაპკამ სოციალურ ქსელში.

სოციალურ ქსელში კატასტროფის ამსახველი ვიდეო ვრცელდება. კადრებში ჩანს, რომ თვითმფრინავი უცბად სიმაღლეს კარგად და მიწაზე ეცემა, ხოლო შემდეგ მას ცეცხლი ეკიდება.