ხათუნა გულიაშვილი
1743712861
შემზარავი ავარია: დაღუპულია ახალგაზრდა კაცი, არიან დაშავებულები
მსხვერპლით დასრულდა ავარია კახეთში. გარდაცვლილია ახალგაზრდა მამაკაცი. შემთხვევა დედოფლისწყაროში მოხდა.
„პრაიმტაიმის“ ინფორმაციით, მსუბუქი ავტომანქანა რკინის ღობეს შეეჯახა. ძლიერი შეჯახების შედეგად, 33 წლის მამაკაცი ადგილზე დაიღუპა, ორი მგზავრი კი დაშავდა.
თვითმხილველების ინფორმაციით, შეჯახება იმდენად ძლიერი იყო, რომ მგზავრები ავტომანქანიდან გადმოვარდნენ. ექიმების განმარტებით, მათ სიცოცხლესა და ჯანმრთელობას საფრთხე არ ემუქრება.
გამოძიება მომხდარ ფაქტზე სისხლის სამართლის კოდექსის 276- ე მუხლით დაიწყო.
