რუსთავის მე-15 საჯარო სკოლის ფანჯრიდან ქალი გადმოვარდა

რუსთავში, ქალი სიმაღლიდან ჩამოვარდა. ამის შესახებ ინფორმაციას „ინფო რუსთავი“ ავრცელებს.

სააგენტოს ცნობით, 50 წლამდე ქალი, #15 საჯარო სკოლაში, მესამე სართულზე ფანჯრის მინას წმენდდა, რა დროსაც, ფეხი აუცურდა და ჩამოვარდა.

სასწრაფო სამედიცინო დახმარების ეკიპაჟმა დაშავებული „კლინიკა რუსთავში“ გადაიყვანა. მას ოპერაცია ჩაუტარდა. 

გავრცელებული ინფორმაციით, ქალი რეანიმაციულ განყოფილებაში იმყოფება, მისი ჯანმრთელობის მდგომარეობა მძიმეა.

ქალი აღნიშნულ სკოლაში დასუფთავების სამსახურში მუშაობს.