მარნეულში აივნის ჩამონგრევის დროს დაშავებული 8 წლის ბავშვი თბილისში გადმოჰყავთ

მარნეულში ორი აივნის ჩამონგრევის შედეგად 1 ადამიანი გარდაიცვალა, ხოლო რამდენიმე დაშავდა. დაუზუსტებელი ინფორმაციით, დაშავებულია ფეხმძიმე ქალი და ბავშვები.

დაშავებულებს შორის ერთ-ერთი 8 წლის ბავშვია, რომელიც მარნულის ჯეო-ჰოსპიტალსის სამედიცინო დაწესებულებაში მიიყვანეს. როგორც კლინიკის წარმომადგენელი რადიო „მარნეულთან“ აცხადებს, პაციენტს  მრავლობითი მოტეხილობა აქვს და საჭირო გახდა თბილისში სპეციალიზებულ კლინიკაში გადაყვანა.

მასალა განახლდებადია -  დეტალებს შინაგან საქმეთა სამინისტროში ვარკვევთ.