კახეთში ბოლო ზარის აღსანიშნავად მიმავალი ბავშვები ავარიაში მოჰყვნენ - არიან დაშავებულები

ავარია მოხდა კახეთში - ერთმანეთს ოთხი მსუბუქი ავტომანქანა შეეჯახა.

შემთხვევა ცოტა ხნის წინ, ყვარლისკენ მიმავალ ცენტრალურ გზაზე მოხდა.

წინასწარი ინფორმაციით, დამამათავრებელი კლასების მოსწავლეები ბოლო ზარის აღსანიშნავად გადაადგილდებოდნენ. შეჯახების შედეგად, დაშავებულია სამი ახალგაზრდა, რომლებიც სასწრაფო - სამედიცინო დახმარების ეკიპაჟმა საავადმყოფოში გადაიყვანა.

შემთხვევის ადგილზე პოლიცია იმყოფება, რომელიც საგამოძიებო მოქმედებებს ატარებს.