ირანში ძლიერი მიწისძვრა იყო

ირანში, ქერმანშაჰის პროვინციაში ძლიერი მიწისძვრა იყო. ბიძგების სიმძლავრემ 5.1 მაგნიტუდა შეადგინა. ინფორმაციას თურქული მედია ავრცელებს.

თეირანის უნივერსიტეტის სეისმოლოგიური ცენტრის ცნობით, 5,1 მაგნიტუდის მიწისძვრა, რომლის ეპიცენტრი ქერმანშაჰის პროვინციაში მდებარე ქალაქი კასრ-ე შირინი იყო, ადგილობრივი დროით 04:32 წუთზე დაფიქსირდა.

პროვინციის გუბერნატორის განცხადებით, მიწისძვრის შედეგად არავინ დაღუპულა ან დაშავებულა.