„დის მეგობრებს დაუთმო საკუთარი საძინებელი...” – 12 წლის იური გუჯაბიძეს მთელი საქართველო გლოვობს

გურიაში, ტრაგიკულად დაღუპული მეორე არასრულწლოვანი მეშვიდე კლასელი იური გუჯაბიძეა. ის სტიქიას სოფელ ჯიხანჯირში ემსხვერპლა.

პატარა ბიჭის შესახებ სოციალურ ქსელში ემოციური პოსტი ვრცელდება.

,,მეწყერმა ჯიხანჯირში მოზარდის სიცოცხლე შეიწირა. მძიმე ფოტოა და ფოტოზე უფრო მძიმე რეალობა...
დის მეგობრებს დაუთმო საკუთარი საძინებელი და ეზოში მდგარ სამზად სახლში გადავიდა თვითონო, ამბობენ. მეწყერმაც ის სამზადი სახლი ჩაიტანა თურმე... სხვები გადაარჩინა... არ იცოდა, მაგრამ ხომ გადაარჩინა - გმირია, არც ეს იცოდა, მაგრამ გმირია მაინც... ნათელში იყოს, ქედს ვიხრი ამ პატარა ბიჭის სულის წინაშე", - წერს სოციალურ ქსელში ნინიკო მშვიდობაძე.

შინაგან საქმეთა სამინისტროს საგანგებო სიტუაციების მართვის სამსახურის მეხანძრე-მაშველებმა, გურიის რეგიონში, სტიქიის ზონაში სამი ცხედარი იპოვეს, მათ შორის ორი მოზარდის.

ტრაგედია დატრიალდა ჯუმათშიც. მოვარდნილმა ღვარცოფმა მამას ხელიდან გასტაცა 11 წლის თორნიკე ჩხარტიშვილიც.

ამ ეტაპზე, სტიქიის ზონიდან უსაფრთხო ადგილზე გადაყვანილია 50-მდე მოქალაქე.

ასევე ნახეთ:

,,ოქროს ბიჭი აღარ არის... რამხელა ტკივილი ხარ..." - გურიაში ტრაგიკულად დაღუპული მეორე ბავშვის ვინაობა ცნობილია

„ჩემო ბუთქუჩა თოკო... ბავშვი ღვარცოფმა მამას ხელიდან გასტაცა“ - ახლობლები ტრაგიკულად დაღუპულ ბავშვს გლოვობენ

VIDEO: ძლიერი წვიმის შედეგად რუსთავის ქუჩები დაიტბორა - კადრები ადგილიდან