ბათუმში, ზღვაში უცხო ქვეყნის მოქალაქე გაუჩინარდა - ძლიერი შტორმის გამო სამძებრო სამუშაოები ვერ ხერხდება

ბათუმში ზღვაში ახალგაზრდა კაცი გაუჩინარდა - თვითმხილველების ინფორმაციით, 39 წლის მამაკაცი ნასვამ მდგომარეობაში ე.წ. პიერ ბათუმის ხიდიდან ზღვაში გადახტა.

შემთხვევა, დაახლოებით, 19:00 საათზე მოხდა. ადგილზე სამძებრო სამუშაოები ძლიერი შტორმის გამო ვერ ხერხდება.

შემთხვევიდან რამდენიმე საათის განმავლობაში ადგილზე სამაშველო სამსახურის და შინაგან საქმეთა სამინისტროს წარმომადგენლები სანაპიროს მონიტორინგს ახორციელებდნენ.

39 წლის კაცი ბელორუსის მოქალაქეა.