ავარია ბათუმში - არიან დაშავებულები

ბათუმში, მუნიციპალურ ავტობუსს ტრაილერი დაეჯახა - შემთხვევის შედეგად დაშავდა მძღოლი და რამდენიმე მგზავრი. ინფორმაციას „აჭარის ტელევიზია“ ავრცელებს.

სასწრაფო-სამედიცინო დახმარების ბრიგადამ ავტობუსის მძღოლი „მედცენტრში“ გადაიყვანა. ექიმის ინფორმაციით, მისი ჯანმრთელობის მდგომარეობა სტაბილურია.

5 დაშავებული მგზავრი კი კლინიკა „მედალფაში“ გადაიყვანეს სადაც მათ სამედიცინო გამოკვლევები უტარდებათ.