ავარია ანაკლია-ზუგდიდის საავტომობილო გზაზე - არიან დაშავებულები, მათ შორის, ორი მძიმედ

ანაკლია-ზუგდიდის საავტომობილო გზაზე ავტოსაგზაო შემთხვევის შედეგად დაშავდა 5 პირი, მათგან 2-ს მდგომარეობა მძიმეა.

დაშავებულები სასწრაფო-სამედიცინო დახმარების ბრიგადამ ზუგდიდის რეფერალურ საავადმყოფოში გადაიყვანა.

ავარიის მიზეზად გადაჭარბებული სიჩქარე სახელდება.

ამ დროისთვის, შემთხვევის ადგილზე ექსპერტ -კრიმინალისტები მუშაობენ. დაშავებულები ახალგაზრდები არიან.

დღეს ანაკლია-განმუხურში ოფიციალურად საზღვაო სეზონი გაიხსნა.