ახალი დეტალები - როდის და სად მოხდა ავტოსაგზაო შემთხვევა, სადაც მამუკა ონაშვილი იმყოფებოდა

ცოტა ხნის წინ ცნობილი გახდა, რომ მამუკა ონაშვილი ავარიაში მოყვა და ჯანმრთელობის მძიმე პრობლემით კლინიკაშია მოთავსებული.

„პრაიმტაიმის“ ინფორმაციით, ავტოსაგზაო შემთხვევა წუხელ მოხდა. ნატახტართან ერთმანეთს ორი ავტომობილი შეეჯახა. შედეგად დაშავდა 3, ხოლო გარდაიცვალა 1 ადამიანი.

შსს-ის ინფორმაციით, დაწყებულია გამოძიება.

რაც შეეხება მომღერლის ჯანმრთელობის მდგომარეობას,  მძიმეა.

„პაციენტი იმყოფება მართვით სუნთქვაზე. ჩაუტარდა ქირურგიული ოპერაცია, შიდა ორგანოები ჰქონდა დაზიანებული. ამ ეტაპზე მკურნალობას რეანიმაციულ განყოფილებაში აგრძელებს“, – ამბობენ კლინიკაში.