300 მეხანძრე-მაშველი, სპეცტექნიკა და განსაკუთრებულ დავალებათა დეპარტამენტის 300 თანამშრომელი ისევ ხანძარს ებრძვის - რა ხედება ბორჯომში

უკვე მე-4 დღეა ბორჯომი სტიქიის ზონაა. ხანძრის ქრობის სამუშაოები, რთული რელიეფის მიუხედავად, უწყვეტ რეჟიმში მიმდინარეობს. პროცესი იქ მთელი ღამის განმავლობაში გაგრძელდა. დილიდან კი ცეცხლის სალიკვიდაციო სამუშაოებში კვლავ ვერტმფრენებიც ჩაერთვნენ.

ამ დროისთვის, ხანძრის ქრობის ღონისძიებებში მონაწილეობს 300 მეხანძრე-მაშველი და განსაკუთრებულ დავალებათა დეპარტამენტის 300 თანამშრომელი. პროცესში სპეციალური ტექნიკით ჩაერთნენ თავდაცვის ძალებიც.

ხანძრის ქრობის პროცესში ჩართული არიან სასაზღვრო პოლიციის ვერტმფრენები და მობილიზებულია შესაბამისი სახანძრო-სამაშველო ავტოტექნიკა. დრონებით ხდება ხანძრის მონიტორინგი. ადგილზე შექმნილია ოპერატიული მართვის შტაბი.