კულტურა • 1751021852

NBC News: სან-ფრანცისკოს წიგნის მაღაზიამ ჯოან როულინგის ნაწარმოების გაყიდვა შეწყვიტა „ჰარი პოტერის“ ავტორის ანტიტრანსგენდერული შეხედულებების გამო

სან-ფრანცისკოში მდებარე ერთ-ერთმა წიგნის მაღაზიამ განაცხადა, რომ აღარ გაყიდის მწერლის, ჯოან როულინგის წიგნებს, მათ შორის „ჰარი პოტერს“ ავტორის ანტიტრანსგენდერული შეხედულებებისა და პროპაგანდის გამო. ინფორმაციას NBC News-ი ავრცელებს.1976 წელს დაარსებული გამომცემლობა Booksmith-ის განცხადებით, რომელიც ქალაქის ჰეით-ეშბერის რაიონში მდებარეობს, გადაწყვეტილების მიზეზი გახდა ის, რომ გასულ თვეს როულინგმა სოციალურ ქსელში დაწერა, რომ ის თავის ქონებას როულინგის სახელობის ქალთა ფონდის დაფინანსებაზე ხარჯავს, რომელიც არის იურიდიული ფონდი და მხარს უჭერს „ცალკეულ პირებსა და ორგანიზაციებს, რომლებიც სქესის მიხედვით ქალების უფლებებისთვის იბრძვის სამუშაო ადგილებზე, საზოგადოებრივ ცხოვრებაში და ქალთა დაცულ სივრცეებში“.როგორც ტელეარხი იუწყება, მიუხედავად იმისა, რომ ფონდი ტრანსგენდერ ადამიანებს არ ახსენებს, როულინგი ღიად ეწინააღმდეგება ტრანსგენდერი ქალების ჩართვას ქალთა სივრცეებში.„ამ განცხადებით, ჩვენ მისი წიგნების გაყიდვა შევაჩერეთ“, - ნათქვამია Booksmith-ის განცხადებაში. „ჩვენ არ ვიცით, თუ რა შედეგის მომტანი იქნება მისი ახალი „ქალთა ფონდი“, მაგრამ ვიცით ის, რომ ჩვენ მასში მონაწილეობას არ მივიღებთ. როგორც წიგნების მოყვარულთა ქვიარ ჯგუფს, ჩვენც გვქონდა სიყმაწვილე, რომელიც ჯადოქრებისა და ელფებისგან შედგებოდა. შემოგვხედეთ, ეს ხომ თვალსაჩინოა. თუ თქვენ, ან თქვენს ახლობელს „ჰარი პოტერსი“ სამყაროში მოგზაურობა სურს, ჩვენ გთავაზობთ იყიდოთ ნახმარი წიგნები“.როულინგის წარმომდგენლის განცხადებით, მწერალს კომენტარების გაკეთება არ სურს.

პოლიტიკა • 1747233540

გურამ მაჭარაშვილი: ე.წ. მეგობარი აქტი თავიდან ბოლომდე, შინაარსობრივად წინააღმდეგობაშია ამერიკის პრეზიდენტის პოლიტიკასთან - როგორც ჩანს, „დიფ სთეითის“ გავლენები ტრამპმა ბოლომდე ვერ აღმოფხვრა

ეს ეგრეთ წოდებული მეგობარი აქტი მიიღეს წარმომადგენელ პალატაში, რომელიც თავიდან ბოლომდე შინაარსობრივად წინააღმდეგობაში არის თვითონ ამერიკის პრეზიდენტის პოლიტიკასთან და ამერიკის პრეზიდენტის პოლიტიკა არის ის, რომ სხვა ქვეყნის საქმეებში არ უნდა ჩაერიოს ამერიკა, ეროვნული ღირებულებები უნდა წამოწიოს და მშვიდობა უნდა უზრუნველყოს, - განაცხადა დღის ქრონიკაში „ხალხის ძალის“ აღმასრულებელმა მდივანმა, გურამ მაჭარაშვილმა. მაჭარაშვილი იმედოვნებს, რომ ტრამპი მისივე პოლიტიკის საწინააღმდეგო დოკუმენტს ხელს არ მოაწერს.დეპუტატის თქმით, როგორც ჩანს, აშშ-ის პრეზიდენტმა ჯერ ბოლომე ვერ აღმოფხვრა „დიფ სთეითის“ გავლენები და სწორედ ამას უკავშირდება აშშ-საქართველოს ურთიერთობებში არსებული პაუზა, თუმცა მისივე თქმით, საქართველო ვალდებული იყო ამ ყველაფერთან დაკავშირებით პოზიცია დაეფიქსირებინა.„მოდით შევახსენოთ საზოგადოებას რა იყო ბაიდენის ადმინისტრაციის დროს პრობლემა საქართველოსთან მიმართებაში: ბაიდენი და მისი ადმინისტრაცია ამბობდა, რომ ლგბტ პროპაგანდა არის ერთ-ერთი მთავარი; ჩვენ გვახსოვს ბაიდენის ცნობილი სიტყვები - ტრანსგენდერი არის ამერიკის სულიერი მისიაო. ჩვენ ვამბობდით, რომ ოჯახური ღირებულებაა მთავარი. ამავდროულად კანდიდატი იყო ტრამპი და ის ამბობდა, რომ ოჯახური ღირებულება მთავარი. ასევე, მეორე ფრონტი იყო პრობლემა საქართველოში, იმიტომ რომ ამბობდნენ, რომ მეორე ფრონტი აუცილებელია, რათა რუსეთი დასუსტდეს. უნდა გაგრძელდეს ომი უკრაინაში - ამას ამბობდა წინა ადმინისტრაცია ამერიკაში, იმიტომ რომ მშვიდობა ნიშნავს იმას, რომ რუსეთი მოემზადება მერე ევროპაში შეჭრისთვისო და ასე შემდეგ. ჩვენ კი ამას ვეწინააღმდეგებოდით და ვამბობდით, რომ მეორე ფრონტი ეს არ არის პარტნიორული დამოკიდებულება. თქვენ იცით რომ მაკკეინის ინსტიტუტის დირექტორი ქალბატონი ფარკასი, პირდაპირ ტელევიზიით, ინტერვიუში ამბობდა - მერე რა რომ რუსეთი შემოიჭრება, თქვენ 10 000-20 000 ადამიანი დაგეხოცებათ, მეტი არა, მერე გავარდებით, პარტიზანული ბრძოლები თქვენთვის მოსახერხებელია, იბრძოლებთ და ჩვენ თქვენ გვერდით ვიქნებითო. როგორ არიან უკრაინის გვერდით, ჩვენს დავინახეთ. ანუ ეს რეალური იყო და შესაბამისად პრეზიდენტი ტრამპი ამ შემთხვევაში ეწინააღმდეგებოდა ბაიდენს და რეალურად არჩევნები მან მოიგო იმიტომ, რომ [თქვა] ტრანსგენდერულ სიგიჟეებს დავასრულებ და ოჯახურ ღირებულებას ამოვწევო, სხვა ქვეყნებში პოლიტიკურ ჩარევებს აკრძალავო ეს მართლაც გააკეთა, USAID-ი გააუქმა. სახელმწიფო მდივანი რუბიო ამბობდა, რომ ეროვნულმა უმცირესობებმა უნდა წამოწიონ წინა ხაზზე თავიანთი ეროვნული ღირებულებებიო. რეალურად ამით მოიგო ტრამპმა არჩევნები. 3 წლის წინ ჩვენ დავიწყეთ, ხალხის ძალამ იმ განცხადებების გაკეთება, რასაც მერე უკვე ტრამპი, ოფიციალურად პრეზიდენტის რანგში ამბობდა და საუბრობდა. თუმცა, მოლოდინები არ შეგვიქმნია არასდროს რომ თუნდაც ტრამპი 24 საათიდან 1-2 საათი დაკავდებოდა დღეში საქართველოსთან მიმართებაში, მაგრამ ის რა პერიოდიც გავიდა ახლა, უკვე 4 თვე და ცოტა მეტი, - ეს ნიშნავს იმას რომ უკვე რაღაც დღის წესრიგი უნდა შექმნას პარტნიორმა, ამ შემთხვევაში შეერთებულმა შტატებმა. ეს ეგრეთ წოდებული მეგობარი აქტი მიიღეს წარმომადგენელ პალატაში, რომელიც თავიდან ბოლომდე შინაარსობრივად წინააღმდეგობაში არის თვითონ ამერიკის პრეზიდენტის პოლიტიკასთან და ამერიკის პრეზიდენტის პოლიტიკა არის ის, რომ სხვა ქვეყანაში არ უნდა ჩაერიო, სხვა ქვეყნის საქმეებში არ უნდა ჩაერიოს ამერიკა, ეროვნული ღირებულებები უნდა წამოწიოს და მშვიდობა უნდა უზრუნველყოს და ყველაფერი პირიქით წერია ამ ე.წ. მეგობარ აქტში.როგორც ჩანს დიფ სთეითის გავლენები მთლად ბოლომდე ვერ აღმოფხვრა ტრამპმა, ანუ ბევრი მიზეზი შეიძლება იყოს ამ პაუზის, მაგრამ ჩვენ რა თქმა უნდა ეს ვალდებულება გვაქვს, (პრემიერმაც ამიტომ მიწერა ეს წერილი და ჩვენც განცხადება ამიტომ გავაკეთეთ დადგენილებით პარლამენტში) რომ ჩვენი პოზიცია უნდა იყოს ცნობილი, არა მხოლოდ ტრამპის მიმართ, არამედ მსოფლიო საზოგადოების მიმართ. სიმართლე ძლიერია, სიმართლეს სად გაექცევი? სამი წელი რასაც ჩვენ ვამბობდით და ვამტკიცებდით ოჯახურ ღირებულებაზე, პარტნიორულ ურთიერთობაზე, ჩაურევლობაზე უსამართლობაზე, მერე მოდის პრეზიდენტი ტრამპი და იგივე ნარატივით იგებს არჩევნებს, აგრძელებს მერე მსოფლიო დღის წესრიგის შექმნას და ამ დროს საკანონმდებლო ორგანოში იღებენ აბსოლუტურად საწინააღმდეგო შინაარსის მქონე ეგრეთ წოდებული მეგობარ აქტს - სად არის აქ სიმართლე? იმედია, რომ არ მოაწერს ხელს ისეთ აქტს, რომელიც პირველი რიგში თავისივე პოლიტიკას ეწინააღმდეგება“, - აცხადებს მაჭარაშვილი.

სამართალი • 1746219434

“კესარიამ მითხრა, მაღიარეო - ვუთხარი, დავიშალოთ, მაინც საქართველოა, ამას ვერ გავაკეთებ-მეთქი, მეორე დღიდან დაიწყო ისეთი ვიდეოების დადება, რომელიც მამაკაცს გააღიზიანებდა - განვიზრახე, მომეკლა” - ბექა ჯაიანის ჩვენება

ტრანსგენდერი ქალის, კესარია აბრამიძის მკვლელობაში ბრალდებული ბექა ჯაიანი სასამართლომ დამნაშავედ ცნო ყველა წარდგენილ ბრალდებაში და უვადო თავისუფლების აღკვეთა მიუსაჯა.აღნიშნული გადაწყვეტილება თბილისის საქალაქო სასამართლოს მოსამართლე ნინო გალუსტაშვილმა მიიღო.სასამართლოში ჯაიანის ჩვენება გამოაქვეყნეს:(კესარიამ) მაღიარეო, მითხრა. ვუთხარი დავიშალოთ, მაინც საქართველოა, ამას ვერ გავაკეთებ-მეთქი. მეორე დღიდან დაიწყო ისეთი ვიდეოების დადება, რომელიც მამაკაცს გააღიზიანებდა... განვიზრახე, მომეკლა, - ამის შესახებ 37 წლის ტრანსგენდერი ქალის, კესარია აბრამიძის მკვლელობაში ბრალდებული ბექა ჯაიანი ჩვენებაში აცხადებს, რომელიც სასამართლოში გამოაქვეყნეს.ამავე ჩვენების მიხედვით დგინდება, რომ ჯაიანმა კესარია აბრამიძე ოჯახის წევრებს, როგორც ეკა, ასე გააცნო. ჯაიანის თქმითვე, ეჭვიანობა ხდებოდა როგორც მისი, ასევე კესარიას მხრიდან.„ყველასთან ვცდილობდი კარგად დამეხასიათებინა, სანამ ჩემს მიმართ ასეთი გულით იყო... პირველად იმიტომ აირია[ურთიერთობა], გერმანიიდან რომ ჩამოვედი, უსამსახუროდ ვიყავი, როცა ფული გამომელია, კონფლიქტი მოხდა. რომ დავშორდი გაბოროტდა.... ზონდერიაო, სხვას დაადებინა ფოტო... მერე შევრიგდით“, - აცხადებს ჯაიანი ჩვენებაში.ამასთან, გამომძიებლის კითხვაზე, თუ რა ვითარებაში მიიღო კესარია აბრამიძემ ტვინის შერყევა, ჯაიანი პასუხობს, რომ ეს „ჭიდაობის დროს, თავისით მოხდა“.„დამირტყამს, მაგრამ მაგ დროს ვჭიდაობდით, შემომარტყა და წონასწორობა ვერ დაიცვა, გადავარდა. თავისიც დაეცა, მე მივიყვანე [საავადმყოფოში], მე წამოვიყვანე, ჩემიდან გამომდინარე არ მომხდარა... 1 კვირა დაშორებულები ვიყავით, მაღიარეო, მითხრა. ვუთხარი დავიშალოთ, მაინც საქართველოა, ამას ვერ გავაკეთებ-მეთქი. მეორე დღიდან დაიწყო ისეთი ვიდეოების დადება, რომელიც მამაკაცს გააღიზიანებდა...“, - აღნიშნავს ჯაიანი.რაც შეეხება უშუალოდ მკვლელობის დღეს, ის ჩვენებაში ამბობს:„აფთიაქში შევედი, წნევის დამწევები ვიყიდე, მეც რომ დამელია, გამბედაობა არ მეყო, რომ გადმოვმხტარიყავი... ცივად შევედი, ლაპარაკი დავუწყე, რომ შევხედე, ცრემლები წამომივიდა. რატომ იქცევი ასე-მეთქი, ვკითხე...დავარტყი. დანა ვიყიდე ჩემი სამსახურის წინ, მიცკევიჩზე“, - აცხადებს ჯაიანი ჩვენებაში.გამომძიებლის კითხვაზე, თუ რამდენჯერ დაარტყა დანა, ის პასუხობს, რომ არ ახსოვს“.ცნობისთვის, 37 წლის ტრანსგენდერი ქალის, კესარია აბრამიძის განსაკუთრებული სისასტიკით, გენდერის ნიშნით განზრახ მკვლელობაში ბრალდებული 26 წლის ბექა ჯაიანი ქუთაისის აეროპორტის მიმდებარე ტერიტორიაზე დააკავეს.

ტაბლოიდი • 1746189194

ნახეთ, რობერტ დე ნიროს პირველი კომენტარი შვილის „ქამინგ-აუთის” შემდეგ

ცოტა ხნის წინ, რობერტ დე ნიროს შვილმა, ელიოტ ჰენრი დე ნირომ „ქამინგ-აუთი“ გააკეთა. ის ტრანსგენდერი ქალი გახდა. მან სახელი შეიცვალა და ის ახლა ოფიციალურად ეარინ დენიროა.უკვე ცნობილია ლეგენდარული მსახიობს, 81 წლის რობერტის პირველი რეაქცია. ზოგადად, დე ნირო ცნობილია, როგორც ძალიან ლოიალური მამა. ის შვილების პირად ცხოვრებაზე იშვიათად საუბრობს, პატივს სცემს მათ არჩევანსა და იდენტობის თავისუფლებას.„მე ძალიან მიყვარს და მხარს ვუჭერ ჩემს ვაჟს და ახლა უკვე, მე ძალიან მიყვარს და მხარს ვუჭერ მას, როგორც ჩემს ქალიშვილს. რაზეა აქ საერთოდ საუბარი?! მე ყველა ჩემი შვილი მიყვარს“, – აცხადებს დე ნირო.ცნობისთვის, ელიოტი გახლავთ რობერტისა და მისი ყოფილი მეუღლის, გრეის ჰაიტაუერის ტყუპი ვაჟებიდან ერთ-ერთი. წყვილი 1997 წელს დაქორწინდა, მათი ქორწინება ოფიციალურად 2018 წელს დასრულდა.           View this post on Instagram                       A post shared by Airyn De Negro (@voiceofairyn)

მსოფლიო • 1746171837

დონალდ ტრამპმა საზოგადოებრივ რადიო NPR-ს და საზოგადოებრივ მაუწყებელ PBS-ს სახელმწიფო დაფინანსება შეუჩერა

დონალდ ტრამპმა საზოგადოებრივ რადიო NPR-ს და საზოგადოებრივ მაუწყებელ PBS-ს სახელმწიფო დაფინანსება შეუჩერა. ინფორმაციას ამის შესახებ თეთრი სახლი ავრცელებს.აშშ-ის პრეზიდენტის ადმინისტრაციის ინფორმაციით, საზოგადოებრივი მაუწყებლების დაფინანსება მიკერძოებული გაშუქების გამო შეწყდა. დონალდ ტრამპის აღმასრულებელი ბრძანება ასევე წყვეტს PBS-ისა და NPR-ის არაპირდაპირ დაფინანსებას. ბრძანების თანახმად, ადგილობრივ საზოგადოებრივ რადიოსა და ტელევიზიის სადგურებსა და „საზოგადოებრივი მაუწყებლობის კორპორაციის“, იგივე CPB-ის დაფინანსების სხვა მიმღებებს ამ ორგანიზაციების მხარდასაჭერად გადასახადის გადამხდელების დოლარის გამოყენებას უკრძალავს.ბრძანება ავალდებულებს CPB-ს გადახედოს თავის 2025 წლის ზოგად დებულებებს, რათა ცალსახად აკრძალოს NPR-ისა და PBS-ის პირდაპირი ან ირიბი დაფინანსება. თეთრი სახლის განცხადების თანახმად, NPR-მა და PBS-მა გადასახადის გადამხდელების ფულით პარტიულობა და მემარცხენე პროპაგანდა გააღვივეს, რაც უკიდურესად შეუფერებელია და გადასახადის გადამხდელების ფულის არასათანადო გამოყენებას წარმოადგენს.„პარტიული მიტაცების საილუსტრაციოდ, NPR-ის მენეჯმენტმა რედაქტორებს სთხოვა, ტრანსგენდერთა საკითხებზე საუბრისას თავი აერიდებინათ ტერმინისგან „ბიოლოგიური სქესი“. NPR-მა გამოაქვეყნა სიუჟეტები, სადაც იცავდა ძარცვას და მიუთითებდა, რომ დანაშაულის შიში რასისტულია და მისი მრავალფეროვნების, თანასწორობისა და ინკლუზიურობის (DEI) პრაქტიკა მისი შინაარსისგან „განუყოფელ“ პრაქტიკად შეაფასა. NPR-მა უარი თქვა ჰანთერ ბაიდენის ლეპტოპთან დაკავშირებული ისტორიის გაშუქებაზე და მას დროის კარგვა და ყურადღების გაფანტვა უწოდა, მიუხედავად იმისა, რომ ის ძალიან აქტუალური იყო საპრეზიდენტო არჩევნებისთვის. NPR-მა არაერთხელ განაცხადა, რომ COVID-19 ლაბორატორიაში არ წარმოიშვა და უარი თქვა თეორიის შესწავლაზე. შემდეგ კი FBI-მ, CIA-მ და ენერგეტიკის დეპარტამენტმა ლაბორატორიაში გაჟონვის თეორია სავარაუდო მიზეზად მიიჩნიეს.კვლევები აჩვენებს, რომ PBS-ის მთავარ საინფორმაციო პროგრამაში „კონგრესის რესპუბლიკელებს უარყოფითი გაშუქების 85 პროცენტი ჰქონდათ, კონგრესის დემოკრატების კი – 54 პროცენტი დადებითი გაშუქების. ექვსი თვის განმავლობაში PBS News Hour-მა ტერმინი „ულტრამემარჯვენე“ 162-ჯერ გამოიყენა, ხოლო „ულტრამემარცხენე“ – მხოლოდ 6-ჯერ. PBS-მა გადაიღო ფილმი სახელწოდებით „ნამდვილი ბიჭი“, რომელიც ტრანსგენდერი მოზარდის ტრანზიციას ეძღვნება. PBS-ის მიერ 2024 წლის რესპუბლიკური პარტიის ეროვნული კონვენციის გაშუქების 72 პროცენტი უარყოფითი იყო, ხოლო 2024 წლის დემოკრატიული პარტიის ეროვნული კონვენციის გაშუქების 88 პროცენტი დადებითი. ძალიან შეუფერებელია, რომ გადასახადის გადამხდელები იძულებულნი იყვნენ, სუბსიდირება გაეწიათ მიკერძოებული, პარტიულ შინაარსისთვის“, – აღნიშნულია თეთრი სახლის განცხადებაში

მსოფლიო • 1744890554

ტრამპის ადმინისტრაცია მეინის შტატს ქალთა სპორტში ტრანსგენდერების დაშვების გამო სასამართლოში უჩივის

აშშ-ის პრეზიდენტის, დონალდ ტრამპის ადმინისტრაცია მეინის შტატს, ქალთა სპორტში ტრანსგენდერების დაშვების გამო, სასამართლოში უჩივის. სამოქალაქო სარჩელის შეტანის შესახებ განცხადება, ამერიკის გენერალურმა პროკურორმა, პემ ბონდიმ გააკეთა.ბონდი განმარტავს, რომ გოგონათა და ქალთა სპორტში ბიოლოგიური მამაკაცების ასპარეზობით ირღვევა ფედერალური კანონი სქესობრივი ნიშნით დისკრიმინაციის შესახებ.„ამერიკის იუსტიციის დეპარტამენტს სამოქალაქო სარჩელი შეაქვს მეინის შტატის განათლების დეპარტამენტის წინააღმდეგ. მეინის შტატი ეწევა ქალთა წინააღმდეგ დისკრიმინაციას, რადგან არ იცავს ქალებს ქალთა სპორტში. ეს ანტიდისკრიმინაციული კანონის დარღვევაა. ჩვენ არ დავუშვებთ ქალთა დისკრიმინაციას. ეს ეხება არა მხოლოდ სპორტს, არამედ ახალგაზრდა ქალების პირად უსაფრთხოებას. მე ამ ქალებს პირადად შევხვდი, და რისი გადატანაც მათ უწევთ, საშინელებაა. მეინის შტატის პროკურორი ირწმუნება, რომ სკოლებს არანაირი რეგულაცია არ ზღუდავს, რომ ტრანსგენდერი ქალები და გოგები ქალთა სპორტში დაუშვან. ეს საჯარო უსაფრთხოების საკითხია, რადგან ისინი ბიჭებს და კაცებს აძლევენ უფლებას, რომ ქალთა გასახდელებში შევიდნენ და მათ წინაშე სრულად გაშიშვლდნენ“, - თქვა ბონდიმ.

საზოგადოება • 1744830329

„კესოს დედა და და თავს ძალიან ცუდად გრძნობენ... ვიცი ოჯახის პოზიცია...“ - რას ჰყვება თაია ჭიჭინაძე „პრაიმტაიმთან“

კესარია აბრამიძის მკვლელობაში ბრალდებული ბექა ჯაიანი სასამართლომ დამნაშავედ ცნო ყველა წარდგენილ ბრალდებაში და უვადო თავისუფლების აღკვეთა მიუსაჯა. „პრაიმტაიმი“ მოკლულის მეგობარს, „პრაიმ ჰაუსის“ ყოფილ მონაწილეს, თაია ჭიჭინაძეს ესაუბრა.„ამ განაჩენის მოლოდინი ნამდვილად მქონდა, არა მხოლოდ როგორც კესოს მეგობარს. მგონია, რომ ნებისმიერი, მსგავსად ჩადენილი მკვლელობის ჩამდენი სათანადოდ უნდა დაისაჯოს და სამუდამო პატიმრობა მიესაჯოს. თუმცა, არ მაქვს ის შეგრძნება, რომ „სამართალმა პური ჭამა“, ჩემთვის არ შეცვლილა რეალობა, კესო აღარ არის. კესო ჩემი წლების მეგობარი იყო და შესაბამისად, მის ოჯახთანაც მაქვს კომუნიკაცია. ძალიან ცუდად გრძნობენ თავს დედა და და, რთულად გადააქვთ. ოჯახის პოზიცია ვიცი, მათთვის ძალიან მნიშვნელოვანი იყო, რომ ბექასთვის სამუდამო პატიმრობა მიესაჯათ“,- ამბობს თაია „პრაიმტაიმთან“.ცნობისთვის, დღეს, 16 აპრილს, კესარია აბრამიძის მკვლელობაში ბრალდებული ბექა ჯაიანი სასამართლომ დამნაშავედ ცნო ყველა წარდგენილ ბრალდებაში და უვადო თავისუფლების აღკვეთა მიუსაჯა.გადაწყვეტილება თბილისის საქალაქო სასამართლოს მოსამართლე ნინო გალუსტაშვილმა მიიღო.გალუსტაშვილის განაჩენით, ჯაიანი დამნაშავედ იქნა ცნობილი, როგორც განსაკუთრებული სისასტიკით, გენდერის ნიშნით ჩადენილ მკვლელობაში, ასევე გენდერული იდენტობის ნიშნით შეუწყნარებლობის მოტივით სისტემატურ ცემაში.კესარია აბრამიძის მკვლელობაში ბრალდებული, ბექა ჯაიანი 19 სექტემბერს დააკავეს და აღკვეთის ღონისძიების სახით პატიმრობა 20 სექტემბერს შეეფარდა.დაკავებულს ბრალდება 109-ე მუხლის "თ" და "მ" ქვეპუნქტებით წარედგინა, რაც გენდერის ნიშნით, განსაკუთრებული სისასტიკით განზრახ მკვლელობას გულისხმობს და სასჯელის სახედ და ზომად 16-დან 20 წლამდე ან უვადო თავისუფლების აღკვეთას ითვალისწინებს.სამედიცინო ექსპერტის, ქეთევან გედენაშვილის განცხადებით, რომელმაც 37 წლის ტრანსგენდერი ქალის, კესარია აბრამიძის ცხედარს ექსპერტიზა ჩაუტარა, აცხადებს, რომ მისი გარდაცვალების მიზეზი მწვავე სისხლნაკლებობა გახდა.

სამართალი • 1744811250

პროკურატურა კესარია აბრამიძის საქმესთან დაკავშირებით განცხადებას ავრცელებს

პროკურატურა ტრანსგენდერი ქალის, კესარია აბრამიძის მკვლელობაში ბრალდებული ბექა ჯაიანისთვის უვადო თავისუფლების აღკვეთის მისჯასთან დაკავშირებით ინფორმაციას ავრცელებს.პროკურატურის ცნობით, თბილისის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და თბილისში, განსაკუთრებული სისასტიკით ჩადენილ განზრახ მკვლელობისთვის ბრალდებული დამნაშავედ ცნო.„სასამართლო პროცესზე გამოკვლეული მტკიცებულებებით დადასტურდა, რომ 2024 წლის 18 სექტემბერს, თბილისში, დიდ დიღომში, ბრალდებულმა გენდერისა და გენდერული იდენტობის ნიშნებით შეუწყნარებლობის მოტივით განსაკუთრებული სისასტიკით, დანით მრავლობითი დაზიანებები მიაყენა კესარია აბრამიძეს. მიყენებული დაზიანებების შედეგად დაზარალებული ადგილზე გარდაიცვალა.სამართალდამცველებმა ბრალდებული 2024 წლის 18 სექტემბერს დააკავეს. მას ბრალდება საქართველოს სისხლის სამართლის კოდექსის 109-ე მუხლის „თ“ და „მ“ ქვეპუნქტით (განზრახ მკვლელობა, ჩადენილი გენდერის ნიშნით, განსაკუთრებული სისასტიკით) და 1262-ე მუხლით (სისტემატური ძალადობა რამაც დაზარალებულის ფიზიკური და ფსიქიკური ტანჯვა გამოიწვია) წარედგინა.თბილისის საქალაქო სასამართლომ ბრალდებული სრულად ცნო დამნაშავედ წარდგენილ ბრალდებაში და სასჯელის სახედ და ზომად უვადო თავისუფლების აღკვეთა განუსაზღვრა“, - აღნიშნულია ინფორმაციაში

მსოფლიო • 1744807018

გაერთიანებული სამეფოს უზენაესი სასამართლოს გადაწყვეტილებით, ქალის სამართლებრივი მნიშვნელობა ბიოლოგიური სქესით განისაზღვრება და არა იდენტობით

გაერთიანებული სამეფოს უზენაესი სასამართლოს გადაწყვეტილებით, ქალის სამართლებრივი მნიშვნელობა ბიოლოგიური სქესით განისაზღვრება და არა იდენტობით. ინფორმაციას BBC ავრცელებს.უზენაესი სასამართლოს მოსამართლემ განსაზღვრა, რომ ორსულობა და დედობაც მხოლოდ ბიოლოგიურ ქალთან ასოცირებული შეიძლება იყოს.საქმე ეხება შოტლანდიის მთავრობასა და ქალთა ჯგუფს შორის მიმდინარე ხანგრძლივ სამართლებრივ დავას, რომლის ფარგლებშიც შოტლანდია ტრანსგენდერი ქალების სქესობრივი ნიშნით დაცვას ითხოვდა.შოტლანდიელ აქტივისტ ქალთა ჯგუფი კი დავობდა, რომ სქესობრივი ნიშნით დაცვა კანონიერად მხოლოდ ბიოლოგიურ ქალებს ეკუთვნით.

სამართალი • 1744803000

კესარია ამბრამიძის ოჯახის კომენტარი, სასამართლოს გადაწყვეტილების შემდეგ

„ეს ერთადერთი გადაწყვეტილებაა, რითაც ოჯახი კმაყოფილია, - ასე გამოეხმაურა ტრანსგენდერი ქალის, კესარია აბრამიძის მკვლელობაში ბრალდებულ ბექა ჯაიანისთვის უვადო თავისუფლების აღკვეთის მისჯას აბრამიძის ოჯახის ადვოკატი ლექსო სვიმონიშვილი.როგორც ის განმარტავს, სასამართლომ სამართლიანი გადაწყვეტილება მიიღო, რასაც ადვოკატის ვარაუდით, ზემდგომი ინსტანციებიც ძალაში დატოვებენ.„თბილისის საქალაქო სასამართლომ ერთადერთი, სწორი, სამართლიანი გადაწყვეტილება მიიღო და ბექა ჯაიანი ყველა წარდგენილ ბრალდებაში დამნაშავედ ცნო, მას სასჯელის სახედ და ზომად უვადო თავის აღკვეთა განესაზღვრა. ეს ერთადერთი გადაწყვეტილებაა, რითაც ოჯახი კმაყოფილია. კესარიას მკვლელი მთელი თავისი არსებობის პერიოდს ციხის კედლებს მიღმა გაატარებს.ჩემი მოლოდინია, რომ განაჩენი ძალაში დარჩება და მის მიმართ გამოტანილი გამამტყუნებელი განაჩენი, ასევე სასჯელის სახე და ზომა უცვლელი დარჩება.კანონმდებლობის თანახმად, შემამსუბუქებელი გარემოება გულწრფელი აღიარებაა, როგორც ჩანს, სასამართლომ ვერ დაინახა მის ქმედებაში გულწრფელობა, ამიტომ არ გაითვალისწინა", - განაცხადა სვიმონიშვილმა.

მსოფლიო • 1744799051

დიდი ბრიტანეთის უზენაესმა სასამართლომ დაადგინა, რომ განსაზღვრება „მდედრობითი სქესი“ მხოლოდ ბიოლოგიურ ქალებზე ვრცელდება და არა ტრანსგენდერებზე -BBC

დიდი ბრიტანეთის უზენაესმა სასამართლომ დაადგინა, რომ განსაზღვრება „მდედრობითი სქესი“ მხოლოდ ბიოლოგიურ ქალებზე ვრცელდება და არა ტრანსგენდერებზე. როგორც „ბიბისი“ წერს, ამრიგად სასამართლომ დააკმაყოფილა ორგანიზაციის „შოტლანდიელი ქალებისთვის“ სარჩელი, რომელიც ეხებოდა 2010 წელს მიღებულ თანასწორობს აქტს.ამ აქტის საფუძველზე შოტლანდიის მთავრობამ დაადგინა, რომ ტრანსგენდერ ქალებს, რომელთაც მდედრობითი სქესის აღიარების მოწმობა ჰქონდათ, შეეძლოთ ქალებისთვის განსაზღვრული თანამდებობების დაკავება და ექსკლუზიურად ქალებისთვის ხელმისაწვდომი შენობებითა და სერვისებით სარგებლობა. დიდი ბრიტანეთის უზენაესი სასამართლოს დღევანდელი დადგენილებით, შოტლანდიის მთავრობის ეს გადაწყვეტილება არ იყო სწორი.88-გვერდიან დადგენილებაში მოსამართლეები აცხადებენ, რომ 2010 წლის თანასწორობის აქტით, სქესის კონცეფცია არის ბინარული ანუ ადამიანი შეიძლება, იყოს ან ქალი ან კაცი.ამასთან, სასამართლოში განაცხადეს, რომ მათი დადგენილება არ აუქმეს ტრანსგენდერი ადამიანების დაცვას.როგორც „ბიბისი“ წერს, მართალია, მოსამართლეებმა განაცხადეს, რომ მათი დადგენილება არ შეიძლება, აღიქმებოდეს საზოგადოების რომელიმე კონკრეტული ჯგუფის გამარჯვებად, თუმცა ორგანიზაცია „შოტლანდიელი ქალებისთვის“ წარმომადგენლები სასამართლოს ვერდიქტს ზეიმით შეხვდნენ.ცნობისთვის, ორგანიზაცია „შოტლანდიელი ქალებისთვის“ ნაწილობრივ ფინანსდება ჰარი პოტერის შესახებ წიგნების ავტორ ჯოან როულნგის მიერ. ორგანიზაციის წევრები ამტკიცებენ, რომ ცნება „ქალი“ მხოლოდ იმ პირებს მოიცვას, რომლებიც მდედრობითი ბიოლოგიური სქესით დაიბადნენ.

სამართალი • 1744794713

ესწრებოდა თუ არა ბექა ჯაიანი განაჩენის გამოცხადებას - რა ახალი დეტალებია ცნობილი

ტრანსგენდერი ქალის, კესარია აბრამიძის მკვლელობაში ბრალდებული ბექა ჯაიანი სასამართლომ დამნაშავედ ცნო ყველა წარდგენილ ბრალდებაში და უვადო თავისუფლების აღკვეთა მიუსაჯა.აღნიშნული გადაწყვეტილება თბილისის საქალაქო სასამართლოს მოსამართლე ნინო გალუსტაშვილმა მიიღო.ამ გადაწყვეტილებით გალუსტაშვილმა პროკურატურის შუამდგომლობა სრულად დააკმაყოფილა.გალუსტაშვილის განაჩენით, ჯაიანი დამნაშავედ იქნა ცნობილი, როგორც განსაკუთრებული სისასტიკით, გენდერის ნიშნით ჩადენილ მკვლელობაში, ასევე გენდერული იდენტობის ნიშნით შეუწყნარებლობის მოტივით სისტემატურ ცემაში.განაჩენის გამოცხადებას არ დასწრებია ბრალდებული ბექა ჯაიანი, მას პროცედურულად დღევანდელ სხდომაზე საბოლოო სიტყვა უნდა ეთქვა. თუმცა, ის პენიტენციური დაწესებულებიდან არ გამოცხადებულა.როგორც მოსამართლე ნინო გალუსტაშვილმა აღნიშნა, ჯაიანმა წერილი გამოგზავნა, სადაც ბრალდებული მიუთითებდა, რომ ფსიქო-ემოციური მდგომარეობიდან გამომდინარე ის სხდომაზე არ გამოცხადდა და ნანობს თავის საქციელს.ჯაიანი ბრალს ნაწილობრივ აღიარებს, არ ეთანხმება არც განსაკუთრებული სისასტიკით, გენდერის ნიშნით მკვლელობას და არც სისტემატურ ცემას.ცნობისთვის, 37 წლის ტრანსგენდერი ქალის, კესარია აბრამიძის განსაკუთრებული სისასტიკით, გენდერის ნიშნით განზრახ მკვლელობაში ბრალდებული 26 წლის ბექა ჯაიანი ქუთაისის აეროპორტის მიმდებარე ტერიტორიაზე დააკავეს.ჯაიანს ბრალდება სისხლის სამართლის კოდექსის 109-ე მუხლის „თ“ და „მ“ პუნქტებით და და 126-ე მუხლის პირველი სეკუნდა ნაწილებით წარედგინა,რაც გენდერის ნიშნით განსაკუთრებული სისასტიკით დამამძიმებელ გარემოებაში ჩადენილი განზრახ მკვლელობას და გენდერული იდენტობის ნიშნით შეუწყნარებლობის მოტივით სისტემატურ ცემს გულისხმობს.აღნიშნული ქმედება 16-დან 20-წლამდე ან უვადო თავისუფლების აღკვეთას ითვალისწინებს.